Mukurukadi Kere kuna ku zangura makovi sivike mudima.
Donna, Musinga na Kaboyi kuvatera mukurukadi Kere mosipata sendi soyikwahidi
nkenye Mapeu ngura-ngura. Neina vanona tava vatere mokuvarura nokurongera
makovi. Makura muswamane Kambonde ntani natwara mapakote gomakovi aka randese
kositanda.

Etuwa tali humbwilire vanona kevero lyosipata. Tava
mono ndambo zomakovi omu zina pongo peepi netuwa lyokukurupa lyomuswamane
Kambonde. “Ya! Nye makovi kounzi aga” yimo ana kuzigira Musinga nokutalike.
“Nampo makovi mayovi gana kara po opo!” yimo ana ku zora Kaboyi. “Hawe! Nampo
masere gavali ogo!” yimo ana kupatana Donna.

Mukurukadi Kere kuna kundindira poheka. “Morokeni, nina
hafa poku mumoona!” yimo ana ku morora vanona. “Ngesi tuzeni tu karugane. Mwa
heap ku varura makovi mugature moma pakote, makovi murongo nambali mwankenye
epakote. Na kara nomapakote nomurongombali. Vavali tava rongere mapakote
ntambali nkenye gumwe ntani  gumwe
gweni tarongere mapakote gantazimwe.

vanona tava li kundurukida ndambo ozo zomakovi. Tava
zogere nonzira dokulisiga omu nava varura makovi ogo. “Kuna kugazara kuvarura
gange monombali” yimo ana kuuyunga Musinga. “Ame kwa hara kuvarura monone,”
yimo ana kuuyunga Kaboyi “kugenderera sili.” “Tani varura gange
gatatu-gatatu, yipo tulisigeni!” yimo ana kugenderera kuuyuga Donna.

Karuwo tupu nare vanona vana zwide mapakote
nomurongombali. “YIrugana yoyiwa!” yimo ana kuzigira mukurukadi Kere. “Tara,
kogeli makovi gana hupu ko. Yinguru yange kwa hara makovi aga ngoso tatu gali
gavere nayo,”yimo ana ku tanta. “Makovi gangapi muna tura momapakote? Makovi
gangapi gana hupuko? Yimo ana kupura vanona.

Yirugana yoku kwamako yoku tjanga nomukoso koyipakote
nayinye ntani va vatere muswamane Kambonde arondeke mapakote meroli lyendi.
Va kona kutura harufa zomapakote ruharumwe rweroli ntani harufa simwe koruha
rwapeke, yipo mukumo gulize.

“Ntantaani tumane!” yimo ana kuuyunga muswamane
Kambonde. “Tutareni asi mapakote gangapi natutura kwa nkenye ruha yipo mukumo
gulize?”

karuwo nare mapakote vana ga rondeke meroli. Muswamane
Kambonde tahwameke ehina lyeroli makura tasingi aze kositanda. “Nsene nani
randesa mapakote nagenye,” yimo ana kugazara, “ nani kara noyimaliwa
youkugwaneka ni wapaikise sinyongo soyinguru ntani ni randereko Yuma vanona!”

Kofarama, mukurukadi Kere novanona kuna kutekera noku
tava haraka mahako. Zakutona vili zomurongonambali navenye vana roroka.
Mukurukadi Kere tava tantere asi “Zina siki vili zokulya. Kuvhura mu pumbe
asi yinke mwaku lya neina?”

Tazi monzugo aka simbe eyi ana vatulikire. Vanona tava
ndindire aka tengurenoku tava pumbu asi yinke vana kuka vasimbira. Apa ana
kugenda monzira malimba gendi tupu gana kuli nyunganga!

"Tutareni nsene muna yipumbu! Yinke nina mu
pungwire neina?” mukurukadi Kere tapenuna elimba lyendi, makura no apura dosinauhenga
tadi gwire positafura. “Tara, nasigwana!” yimo ana ku takuma Kaboyi. Mukurukadi
Kere ta tantere vanona asi “Diworokeni veta. Ligavereni yokuli hetakana!
Kwato nagwana yoyinzi kupita vakwawo ndi yoyinunu kweyi vana gwana vakwawo!”

Pokuhova vanona tava varura monombali. Tava varura: 2,
4, 6, 8, 10, 12, 14, 16, apura zimwe zina lihupuko, nadinye kumwe dina kara
no apura 17.

kukwamako, tava li gahwinine no apura dokuli hetakana.
Makura no apura mbali dina lihupuko. Vanona tava di tura mondjato va piture
kembo. Nkenye munona no apura dingapi ana gwana?

“Tuteteni no apura odo mbali tuli gawinine,” yimo ana
ku gava magano Kaboyi. “Maruha ngangapi tuna kuteta nkenye apura?” yiomo ana
kupura Musinga. “Nadiva elimbururo!” yimo ana kumenya-menya Donna.

Posiruwo sooso muswamane Kambonde taya siki kembo
atundilire kositanda. Eroli kutupu eyi yina karamu ano muswamane Kambonde
kuna kumenya-menya. “Naka randesa makovi nagenye. Ngesi kuvhura kuwapaikisa
sinyongo soyi nguru ntani nimurandere mbara ezi komu here.” “Yay!” yimo vana
kuzigira vanona.