Terna no goɗɗo mo walaa galle. O ɗaɓɓita ɓiɓɓe leɗɗe ko o nyaama nder layɗe.

Sarde wonnde o ɗaanoo ton kadi baaɗi e nyaanduuji ndaara-mo gila dow leɗɗe nder layɗe ɗen.

O wancitii nder layɗe ɗen, e mo raara leɗɗe feere-feere.

"Leɗɗe ɗee ina ɗustoo nde fini fuu," o haayɗini.

Nde o somi wancitaago, o jooɗii, o ɓaari legal o ɗaanii.

Leɗde ɗen ina paddii-mo gila nyaaɗal naange nden colli e piira gima gime ɓelɗe.

O woodi miijo.

"So mi fe"ii goɗɗe nder leɗɗe ɗee, mi heɓay ceede nden mi laatoto gooto nder marɓe ci'e mawɗe."

O yahi galle makko nden wuƴii fe'irde. O fuɗɗi fe'ugo leɗɗe ɗen.

Baaɗi ɗin torii-mo, "Useni, taa fe'u leɗɗe ɗee. Kannje ngoni galle amin e colli. Ɓiɓɓe leɗɗe ɗen ngoni nyaamndu amin."

"Mi woodi haaje ceede ngam nyiɓugo galle," Terna wi'i.

"Ɗum yiɗango hoore maa tan wonnugo galle dabbaaji e colli ɗuuɗɗi ngam nyiɓugo jey maaɗa," woondu jaabii-mo. Terna tefi faruye. O sakkini fe'irde, o hebbii waandu ndun.

Soobaajo makko, waandu ndun sawri-mo o jiiɓa loope o waɗa bulokje nden o wa'a geene e leɗɗe joorɗe ngam huurugo bukkaare.

Non watta koo moye nder maɓɓe mara wuro muudum.

Terna jaɓi. O wirlana waandu ndun ndye fuu. Waandu ndun acca-mo o ɓora ɓiɓɓe leɗɗe e leɗɗe joorɗe no o yiɗi.

Ɓe laatii soobiraaɓe masin.