Koɗorɗe ina nguura e nder galleeji keewɗi ceertuɗi. Goɗɗe ina nguurda e nder mooɓgal gootal, goɗɗe e ngoni feere mum.

Ndee deftere daartol ndee e wolwana ka Naeku e Naserian - mooƴi ɗiɗo miñiraaɓe hoɗɓe e laddeeji to fommbinaare leydi Keñiya.

Miñiraaɓe rewɓe ɓen ina nguurda e nder mooɓgal gootal, ko heewti fotde 80,000 goɗɗi mooƴi.

Koloniiji mooƴi ina nguura nder jiɓaaje ko nyiɓiraa leydi. Jiɓaaje ɗen goɗɗe e nder leydi, walla dow leydi maa boo ɗiɗi fuu.

Feccere nde nde ngjiyeten dow leydi woni jiɓaaje mooƴi. Ɓurnaa jiɓaaje mooƴi ina nyiɓee miitaaji ɗiɗi yahgo joy dow leydi.

Mooƴi e nder koloni maaji e mbaɗa kuwɗe ceertuɗe goɗɗe kuwɗe nder mooɓgal. Naeku e Naserian ko mooƴi kuwooji. Kala huwooɓe fuu ko rewɓe. "Min ngoni mahooɓe e injiniyankooɓe!" Naeku wi'i.

Mooƴi kuwooji ɗii e maha, nden ɗi ayna jiɓaaji ɗen. Naserian wi'i, "E min maha cuuɗi mawɗi, caatuɗi."

"Jooni haa min paamtina no min hairta galle amin," Naeku sawri. "E min puɗɗira wasugo burooɗe les leydi e nder leydi."

Naeku taƴi-mo haala, "Min naftoroo konnduɗe amin cemmbiɗɗe ngam wasugo leydi. Min mbaawi eggingo leydi heewndi!"

"Ngam tabbitingo mahi jiɓaaje amin e tiiɗi cemmbiɗi, min njiiɓinndiray e joode (tuuɗe) e leydi," Naserian wi'i.

"So leydi njiiɓaa ndin yoorii, ndi tiiɗay saata ba loope ɓaleeje. Jiɓaaje mooƴi neeɓay njuutay balɗe sanne," Naeku ɓeydi wi'ugo.

"Emin naftoroo leydi ndi min ngasi ndin, ngam min nyiɓa jiɓaaje dow leydi. Niɓaale amin ɗen ɓurnaa fuu ko taarnaaɗe walla marɗe mbaydi taarde, e burooɗe," Naserian wi'i.

"Jiɓaaje mooƴi goɗɗe ina keewta towirka miitaaji joweenayi!" Naeku ɓeydi laaɓɓingo.

Mooƴi ko ɓowɗi renndoyankooji nguurdooji nder mooɓgal mawngal. E ɗi mari kawɗe ceertuɗe nyiɓugo e maa aynugo kolooniiji maaji.

Mooƴi kuwooji ba Naserian e Naeku kanji ngasata nden nyiɓa jiɓaaje ɗen. Mooƴi soojeeji kanji nddentoroo jiɓaaje ɗen. Mooƴi soojeeji e kuwooji fuu ina kawta ngam wurtaago ɗaɓɓita nokkuuje kese ngam nyiɓugo jiɓaaje.

Mooƴi nyawndooji boo kanji aynata laamiiɗo e ɓiɓɓe famarɓe.

Jiɓaaje ɗen ngoodi nokkuuje ceerduɗe. Woodi cuuɗi ngam laamiiɗo, nden woodi cuuɗi ngam ɓiɓɓe, nden goɗɗi cuuɗi ngam sigaago nyaamndu. Burooɗe kawtata kala suudu fuu.

Naserian jokki, "Min nyiɓa burooɗe walla laabi wurtaago dow leydi ngam heɓgo henndu heɓa nasta nder jiɓaare nden nde fuu maare."

Naeku ɓeyditi, "Mooƴi ngoodi haaje henndu ferwundu ngam ngeeɗa." Naserian faamtini. "Non maa burooɗe ɗen ina mballa ngam tabbitingo sella, kadi haɗa nguleenga nder jiɓaare nden."

"E min ngoodi jarne nder jiɓaaje amin, to min aawata nyaamnduuji, non e min kawrita leɗɗe pamare e geɗe goɗɗe, ko min naftortoo ngam jarne amin," Naserian laaɓɓini.

"Yum!" Naeku haaytii. "Jarne ɗen kannje nguurnata koloni amin no foti. Minon tan aawata nyaamarle ba ɗee."

Koloniiji mooƴi ngoodi laamiiɗo e mayramjo. Huwooɓe kamɓe nyaamnata nden ndeetoo ɓee memmba'en koloni ɗum.

Laamiiɗo mooƴi ina yeeɗa ko heewtata duuɓi 20 yahgo 30. Laamiiɗo on waawii remugo geeraaɗe miliyonnji nder ngeendam makko. Ɓikkoy ina peerne nden kadi hakkilooɓe aynata ngam mawningo-ɗi.

Naserian wi'i, "Galle mooƴi ina hawti hoore no haani. Kala mooyu fuu ina wallita nder nguurndam e mawnugo koloni ɗum fuu."

Naeku ɓeydi wi'ugo, "Kala gooto amin fuu woodi kuwgal mum, boo min min kuway-ngal. Mooƴi ina kuwa no haaniri nder mooɓgal." "Eey," Naserian jaɓi. "Jooni non co'ooɗen wasugo!"