Yimɓe ina nguura e nder galleeji ɗuuɗɗi ceertuɗi. Woodi woɓɓe nyiɓooɓe cuuɗi maɓɓe e geɗe tawaaɗe taariindi, ko nandi ba huɗo. Galleeji goɗɗi boo mahiraama e geɗe goɗɗe ɗe neɗɗo waɗi, ko hawti e gilaasi e konkiret.

Goɗɗi cuuɗi boo nyiɓiraama e geɗɗe tawaaɗe e taariindi e goɗɗe ɗe neɗɗo waɗi, bano rondavel nder daartol ngo'ol.

Kabo e Thabo ina nguura to diiwal Kgatleng nder leydi Bostwana, sera wuro wiyeteengo Mochudi. E ɓe nguura e nder rondavel kamɓe e saaro'en maɓɓe.

"Rondavel woni galle walla cuuɗi taarnaaɗi di finaa-tawaa, e kuurnol geene. Galleeji ɗii ina nyiɓee ko ɗuudi nder tayre Afirika fommbinaare," Kabo suuɗiti.

Thabo jokki, "Ɓurnaa rondavel no cuuɗi taarnaaɗi, e dammuɗe e kenirɗe. E woodi kenirɗe gilaasi, ko walaano jamaanu ɓooyma."

"Maama amin nyiɓirii bukkaaru nduu no finaa-tawaa. Baaba amin ɓeyditi geɗe goɗɗe ɗe jamaanu," Kabo wi'i.

"Ndikka paamtinen no kuwɗe nyiɓaale ɗee ngaɗirtee," Kabo sawri.

O wi'i, "Nyiɓooɓe ɓen naftirtoo e leɗɗe sehaaɗe, geene, kaaƴe, njaareendi e siminti.

Ɓe puɗɗira wasugo ngayka. Ɓe kebbina ngayka kan e kaaƴe pamare, leydi, e njaareendi. Ɗu'um wallata ngam heɓgo caɓɓawal cemmbiɗngal ngam nyiɓugo."

Thabo jokki, "Mahooɓe ɓen ndarnay leɗɗe juutɗe e nder caɓɓawal, wakkere yaasi caɓɓaaje ɗen. Ɓe ndarna leɗɗe ɗen, ɓe mbaɗa leɗɗe ɗenngam mahdiiji yaasiiri.

To mahdi ndin timminaama, mahooɓe ɓen mbaɗay kaaƴe ɓaɗdootirɗe nder tiigorgal ngal."

"Ko jokki kadi, mahooɓe ɓen njilla loopal, ndiyam, e belaaɗe na'i. Ɗum waɗata takkaaɗe ɗen so njoorii tiiɗay saata. Ɓe mooɓta jiiɓaandi ndin hakkunde kaaƴe ngam hawrutugo-ɗe nokkuure woore," Kabo laaɓɓini.

Thabo ɓeydi wi'ugo, "Mahugo e kaaƴe e leydi njiiɓaandi waɗay mahdi ndin tiiɗa saata nden faɓɓa."

Kabo wi'i, "Burɗe mahdi yaasiiri ina maɓɓiree rondavel."

Thabo faamtini, "Sukkufo burɗe waɗetee ngam wona nder e feewi sarde nde weeyo yaasi ina wuli. Nguleeki naange waawataa nasta mahe ɗen.

E nokkuuje marɗe toɓo ndunngu, sukkugo burɗe ɗen ina walla ngam jogoo powɗum rondavel sarde ndungu, tawa kadi suuɗi ɗin e njogii nguleeki e nder."

"Mahooɓe mbaɗay caɓɓawal nder suudu bukkaaru amin kadi naftoraago e njiiɓaandi caɓɓaaje ngaɗaaɗe," Thabo wi'i.

Kabo wi'i, "Ngam timminki lesdi nder suudu, ɓe ndufay jiiɓaandi cakitiindi. Kannjum to ɗu,m yoorii ɗum laatoto portiiɗum, nden fotidina leydi nder suudu ndun."

Thabo wi'i, "Ko sakitittoo woni huurugo suudu. Ɓurnaa bukkaaji ɗin e kuurnee nden taarnee.

Mahooɓe ɓen mbaɗay leɗɗe, ɓe kawta ɓe njokkondira-ɗe haa caka. Nden ɓe kaɓɓa ba'e geene to leɗɗe kawtaaɗe ɗen ɓe njownjowtira. Suudu kuuraandu e geene faddoto si'ugo ndiyam."

Huɗo ko huunde nafoore ngam huurugo suudu. Amma ni, geɗe ɗee keɓeteeɗe e taariindi foti laato nokkuure wuurnugo ɓowɗi e dabbaaji goɗɗi. Ɓurnaa kadi ko mboroosaaji.

Ƴeewu natal nga'al ngam tawaa: saysayɗi tati, yahre, bilbilel, e doombel.

Geɗe keɓeteeɗe to taariindi bano geene kuurirɗe, ina walla saysayɗi ngam nguura.

Saysayɗi bonnataa geene ɗe, nden e ɗi mballa ngam faddaago gila ɓowɗi goɗɗi.

Haani e tokka raartaago kuurol men ngam faddaago kuukoy ba tenɗi, bilbili e mooƴi.

"En ngoodi yimɓe duuɗɓe wuurooɓe nder bukkaaji!" Thabo wi'i, E mo raara kuurol bukkaaru makko, o hulay saysayɗi.

"Miɗo sikki kadi tagooje goɗɗe nguurdeten?" Kabo ƴami, e mo hulɓinii.

"So mi mahii galle am, mi mahay ɓukkaaru marndu kuurol semmbiɗngol!" Kabo jali.