Nyalnde wonnde, woodunoo worɓe njowo yeeɗidooɓe. E ɓe sennda kala ko ɓe mari.

Nyalnde go'o, nyaamndu maɓɓe timmi. Ɓe ƴowni kawral hakkunde maɓɓe. "Toye keɓeten nyaamndu fahin?" go'oto nder maɓɓe ƴami.

Walaa jawaabu koyɗum ngam nootaago ƴamol ngo'ol sabu ɓe ngalaa ceede non maa ɓe ngalaa soobiraaɓe nder wuro maɓɓe.

Ɓaawo miijaago nder sekonji seɗɗa, go'oto maɓɓe wi'I, "Njokken yahdu men!" Ɗiɗaɓo maɓɓe ƴami, "Toye?"

Tataɓo maɓɓe kadi jaabii, "Njahen ngujjen nyaamndu." Nayaɓo maɓɓe on boo wi'i, "En nanngataake bo?"

Njowaɓo maɓɓe boo wi'i, "Taa wanna dow maaka!"

Tan ɓe puɗɗi wujjugo, ɗon ɓe nanngaa!

Worɓe njowo ɓen njahra juuɗe polisaaɓe.

E nder wiɗito, polisaaɓe ƴami, "Ɗum dabare moye nder mon ngam ngujjon nyaamndu?"

Worɓe ɓen puɗɗi seegootirgo hakkunde maɓɓe. Nden ɓe mbi'iti polisaaɓe no ka waɗɗiri.

Neɗɗo aranndeejo on wi'i, "Min mi sawrii tan min njokka yahdu, naa min ngujja." "Ɗiɗaɓo wi'i "Mi haajii anndugo toye min njahata."

Tataɓo boo wi'i, "Min fuu min ngerdootirii min ɗaɓɓita nyaamndu."

Nden nayaɓo wi'I, "Mi wagginii end ow foti en nanngii."

Nden kadi njowaɓo wi'i, "En fuu en anndi en wuyɓe, kannjum waɗi mbii-mi, 'Taa ngannooɗen dow maaka'."

Ɓaawo nanugo ka'a, polisaaɓe paami dow yimɓe ɓe'e njowo fuu tawraama aybe nguyka.

Polisaajo on timminiri wi'ugo, "Ɗum boɗɗum senndugo kala dabareeje, ammaa naa dabareeje kalluɗe!"