Ndaa tireeji. E ɗi ngoodi daaɗe juutuɗe. E ɗi nyaama haako leɗɗe juutuɗe. Noye noonde tireewa wa'i?

Ndaa nyiiwa. Nyiibi gori e mari luwe daneeje, noppi mawɗi bee kinal juutungal. Nyiibi e kuutinira kine maaji ngam nanngugo haako leɗɗe juutuɗe.

Nyiibi e nyaama geene bee haakooji. Noye noonde nyiiwa wa'i?

Ndaa gilanngeeru bee wicco juutungo. E ndu mari honnduko yaajuko bee nyiiƴe belɗe ɗuɗɗe. E ndu jooɗo nder maaje e beeli.

E ndu nyaama liƴƴi bee dabbaaji feere-feere. Noye noonde gilanngeeru wa'i?

Ndaa mawndu bee nyiiƴe cettiiɗe mawɗe. Gorɗi tan ngoodi sadamji.

Toye sadam mawndu ndu'u woni?

Ndaa kumaarewal bee koyɗe juutuɗe e geegerewol. Kumaarewal woni alaama tuutawal leydi Uganda.

Noye noone kumaarewal wa'i?

Ndaa bani ndiyam. E ɗi nyaama geene, e ɗi njooɗo haade maaje e beeli.

Ɗume ngi'ata dow hoore bani ndiyam?

Ndaa bamɗi ladde ɗi ciifi. E ɗi ngoodi ciifi ɓaleeji e daneeji.

A anndi ndabbawa feere nanndunga bee bamɗi ladde?

Ndaa geɓe dabbaaji feere ɗiɗi. E woodi gaduuru ladde bee ɓikkon maaru. Gaduuji ladde maa e mari nyiiƴe juutuɗe bana luwe.

Gaduuji ladde noye ngi'ata e foto? Dabbaaji luttuɗi ɗum baɗɗi. Baɗɗi e nyaama geene. Noye noonde baɗɗi wa'i?

Dabbaaji ladde iri ɗiye ngi'ata ɗo'o?

Toye ɗi tawete?

Ɗiye himɓe nyaamata?