Tô berien, owon nyia ômûk alîawa miyet hullo obeŋi ꞌtô îlôfîôrôjî buo fê amanyaî arabotie. Ohorie nyia isi êrrê îhûattêk hunno orrijiori.

Tô ôbô nôlôŋ, abeŋ nyia aŋiria jihosi. Attatî isi iwwaha. "Efuo ꞌtadî inyiak îrûmana aŋiria ajia?" Ifî ôbô jihosi.

Ogôl nyia êtarraŋî êfî anîa nyio obeŋi nyia anyahuo jihosi buo fê ôrrîahat obeŋi jihosi tô tua miji.

Hinyia igigiloi isi jio ômûk asêt-sêt araki, ajio êttêrî tulo, "Hetterieti adaha!" Ifî êtarrîhî tulo, "Ajia?"

Ajio êtahunihi tulo, "Efuo ihoholio." Ajio êtaŋûanî tulo, "Obeŋi ꞌtadî ofuoi înêfûna hôhôî?" Ajio êtamiyeti tulo, "Ijiara anîa obeŋ îtîlafuk iyye!"

Afuoi aatî hulla miyet hulia îmaji itinyiaŋi-hîrrê ihoholuniere aŋiria.

Ninyia itterie isi ahoholio hosi nyia, înêfûnî isi!

Iyaraî alîawa hulia îgêmî bolis.

Hinyia îttîttîfaî jihosi, îfî ôlô bolis, "ŋaî îttêr ôfîôrô hunno ahoholio ŋiria hûnîa?"

Ahahayaî alîawa hulia îhûattêk hosi. Attatî buo isi îramana ôlô bolis alîa itterio êram nyia aŋaî.

Ajio êttêrî tulo, "Ajio nî jihosi efuo, abeŋ nî ajio efuo ihoholio." Ajio êtarrîhî tulo, "Awak nyia nî îmîjana efuo hôhôî ifuatan ajia."

Ajio êtahunihi tulo, "Eruk nyia hôhôî ꞌdaŋ jio ôŋîda hôhôî efuo ittittifiarû aŋiria."

Ajio êtaŋûanî tulo, "Asar duo nî isi ꞌdaŋ jio ofuoi baka înêfûna hôhôî."

Attatî êtamiyeti tulo ijiaran, "Emîjak hôhôî ꞌdaŋ jio êsô hôhôî ahahalak, inyi hinya ajiattarî nî jio jio, ꞌIjiara anîa obeŋ îtîlafuk iyyeꞌ."

Ninyia îtayîrûnî bolis êkîana hosi, amîjanî nyia isi jio iyyauni alîawa hulia ꞌdaŋ miyet ta ahôhô.

Aŋut ôlô bolis alîa êram, "Oyyu êllê êhôr êrrê hunno ômûk ꞌdaŋ hunno orrijiori, atî ijiara ebeŋ êhôr ôfîôrô hunno ôrrôhôjî ꞌtô!"