Ior mba tse ken ayou anza kposo kposo. Ior mbagenev mba ken ayou a taven sha aôndo. Mbagenev di yô man tsan ken uyaav mba shin inya.

Ayou a taven sha ka ngee a ayou ker a i maa ukpo ukpo yô. Takerada ne ngu sha kwagh u maan ayou a sha aôndo a lun a ukpo kpishi.

Mishelle vea Catherine ka angbianev. Mishelle ngu nôngon u been makeranta u kôleji. Catherine di nongo u been makeranta u peramari.

Angbianev mba kasev mban mba vea mbamaren vev man ngo ve u vesen, sha iyou i sha aôndo ken Nairobi. Doo ve u lun sha aôndo er ka inyon i pulugh sha ikyon i taven yô.

Tsombor ne ngu sha kpo iyou u sha 22 sha iyou i Tower la. Ka ve unde sha iyou la sha injin u unden sha ayou la.

Catherine ka a ôron ukpo mba ayouv mbela er be lu kôndon man senen cii. A soo u va eren tom u nahan girgi yange i genegh. Mishelle soo u va lun injinia u maan ayou a sha aôndo.

Catherine pine er, "Ka ya wase a hemba taven sha ken tar u Africa yee?

Mishelle kaa er, "Ei, iyou ne i taver umita 126. Iyou i hemban taven ken Africa i hemba umita 393. I hemban taven ken tar cii ngi umita 830!"

"Kpiligh iyol! I er nena be ayou a taven ne ka a tile her zan zan aa?" Catherine hen sha min.

"Ayou a sha aôndo cii i er a ninja imôm. Akaa a vesen a ka i er amin cii ka myôm man sementu u nungwan sha inya man agboughul.

Ka i maa iyou i sha aôndo kpo i you môm i bee cii shi i gba maan ugenegh kôndon ye. Ka i hii sha u haan kper u myôm ma taver shin imaagh ki iyou ki i we la man i gba haan sementu u i nungwa sha inya, agboughul man mngerem la ye. Ka a nungwa akaa ne yô a na iyou i tavern shi i tsa gbem," Mishelle na medium nahan.

I maan iyou i sha aôndo yô, mbatomov mbela me ve vande timen ityô yough i za i kuma.

Ka sha gbenda shon môm man kon u taven kpa ka u wa amise a kehen shi a za shin inya ye, iyou i sha aôndo kpaa ka i za shin inya sha vande u kônkere ye. Shighe genegh yô vande la ka u vande lun shin inya.

U dondon yô, mbatomov ka ve er mlu u iyou la. Ka ve maa mlu u iyou la sha myôm ma lihen.

Myôm mela ka ma na iyou i fatyô u taven sha kpishi. Myôm ka ma fatyô u tôôn myohom ma ngeen.

Myôm ma sha iyou ka ma ma lu iyou ye,er akuhe a ken iyol a lu hen orumace nahan.

Myôm ka ma leem. Inja na yô iyou i sha aôndo i a fatyô u jingir cuku (kpa ka i taver u nengen).

Ahumbe ka a kar a taver yô, shin mtenger u tar nahan,myôm ma ken atô mela ma wase iyou la u jingir kpuaa.

Ka myôm ka ma na mtaver u iyou ye.

Kwagh u vesen ugenegh u maan kwagh a min yô ka kônkere. Un ka mnungwa u sementu vea inya man mngerem u tiher la ka i haa shin kper u myôô u i vande wan imaagh ki iyou a min la.

Ka a haa konkere la una taan ahumbe yô, a taver kpishi a hingir er ka vande nahan. Ka a hingir kpekpe man taregh inyaa u iyou la.

Mbatomov ka ve maa iyou i sha aôndo ve kôndon a kôndo, kpo iyough ugen sha ugen. Ukpo mba iyou mba shin inya ka ve tôô ikyav kpishi. Ka konkere u ka i haa la ka a wase u panden myohom mela shi nan iyou i taver shi i tile jighjigh ye.

Kônkere ka a na mcivir man mkor sha myôm man mngerem man ahumbe a tan sha min. (Mngerem man ahumbe ka ve na myôm ta nduran).

Akaa a va wan injin u unden a ior sha ayou a sha aôndo la ka shighe u ka i wa a je ne. Ka a maan sha akam a been yô man i wa u windoo. Hen shighe ne i mase wan silin shi kôngol ukpekpe man shighen hen inya.

Ka i gba u a wa ikyar usu man u gôngul bua mba zenden a mngerem ken iyou kua ahungwa a wanger iyol.

U kulen tom ne yô, mbatomov ka ve zer ihinda man iusu i tsaren wanger ken iyou, u kabod, man akaa agenegh a a doo sha ci u mba ve lu tsan shin eren tom sha ayou a sha aôndo yô.

Mishelle kaa er, "Inya ngi yinan sha ugeri mba vesen. Ayough a sha aôndo ka a yisa inya kpishi ga. Me va lu or u eren tom a myôm maan uyaav yô, me wase u maan iyough i sha aôndo i hemban taven sha tar cii!"