Ior mba tsan ken uyaav atô kposo kposo. I maa mbagenev sha akaa gbaaôndo a hen uningir asev, er ihila nahan. Uyaav mbagenev di i maa ve sha akaa a ior ve er a er yô, inja er ajingi man sementu nahan.

Ayou agenegh di i maa a sha akaa a gbaaôndo man a sha gbaaôndo ga, di er iyou i toho i ken takerada ne nahan.

Kabo vea Thabo ve lu ken ipyaven i Kgatleng ken Botswana, ikyua a angar u Mochudi. Ve lu ken iyou i toho vea mbamaren vev.

"Iyou i toho ka iyou i vingir i i san aha ihila yô. I maa ayou ne ajiir kpishi shin ityôtar i Africa," Kabo pase nahan.

Thabo za hemen er, "Ayou a toho kpishi nga vingir, a a hunda man windoo. Nga a u windoo mba sha ajingi mba ve lu tsuaa la ga yô."

"U ter asev mba tamen maa ayou a toho ne sha mlu u ityôô. U ter mba kiriki va made seer hwe u ayange ne sha a," ka ape Kabo kaa la.

"Se pase ne er ka i maa iyou i toho yô," Kabo kaa nahan. A kaa er, mba maan yange ve maa sha ikpande, ihila, awen, inya i hôron man inya i kôngol iyou.

Yangen ve hii sha u timen ihyungwa. Ve kura inya kua awen man waarawa ve haa shin mi. Kwagh ne yange a na ityô you la i taver u maan kwagh sha min.

Thabo za hemen, "Mbamaan yange be tuur mtôm ma ikyonov shin ityôyough, sha akpekpe. Ve kange mtôm mela imiôngo man ve er indiran sha ukpekpe mba ken won la."

Er ve kase mlu u iyou la ve bee yô, mbamaan i ve wa awen kpo kpo kpo ken indiran la.

"U dondon yô, mbamaan ve nungwa inya i tiher, mngerem man ambi a bua. Kwagh ne yange a hingir inya i dedoo i maan iyou amin zum u i uma yô i taver dedoo. Ve kura i ve wa ken atô u seen la," lame Kabo kaa la.

"Kwaghmaan u sha awen man inya la ka a taver imaagh ki la ki tsa gbem," ka ape Thabo kaa la.

Thabo pase er, "Mndohol u iyou ker inja nan yô a tsee ken won kpa kunduiyol ken atô iyou. Sha ajiir a mndohol a lu kpishi yô, kwagh ne ka a na mtsee di ken atô iyou."

"Mbamaan ka ve sôr iyou i toho ken atô ve haa angbiôr man ve gbidye iyou hen inya u imaagh ki iyou," Thabo kaa nahan.

Kabo kaa er, "U been iyou hen inya yô, ka ve seer angbiôr sha ve kindigh. Angbiôr ne ka a uma a hingir sambelaa hen taregh inyaa a lu kôngolôô."

Thabo kaa er, "Tom u masetyô yô ka u cirin haav. Ayou a toho ka i san a a hor sha.

Mba maan ka ve kuva haav sha atsor man ikyor, ve zua a imiôngo nahan indyuluku la i mase horon sha. Ka i mase cirin ihila shi i kor i sha ajiir agenegh. Haav mbun ka mbu yange mngerem ma ura u nôôn ken iyou."

Ihila ngi a inja kpishi sha iyou i sanen. Kpa shi uhur man anyarev mbagenev ka ve gema i hingir ya ve. Ve kpishi ka ve hingir mba vihin haav.

Akaa a gbaaôndo inja er ihila nahan ka ve na ijiir i doo ukpereketange u lun ker shi yan akaam.

Ukpereketange ka ve vihi haav ga kpa ve er tahav sha ihyev, akua man uhur.

"Se mba tsan ken iyou a toho ne se ngee!" Thabo kaa nahan, lu kenger sha ihyange. Cian kpereketange. Me Shin ka zendenya mba hana ve lu hen ikyasen yase o?" Kabo pine a mciem.

"Shighe u me maan iyou yam yô, me maa iyou toho kpa me cir haav sha haav mbu i cirin sha ayou hen ayange ne la," Kabo se.