"Msugh u za van sha imiôngo yase i teman nyian ne, ka mo wen Anna Asante! Msugh mba ve lu ungwan a vese ken ya man hen iyou i abaver ne cii za van.

Nyian, orvanya wase ka u hanma or nan a soo u pinen un kwagh yô, saan mo iyol u teman imiôngo vea na. Ahir a Buter!

Msugh u. Msugh u za van u va teman imiôngo a vese ken ate ne nyian," Anna kaa nahan.

"Msugh u u yilan mo sha imiôngo ne, Anna. U soo wer mrumun av ve due sha jingi shighe u mlu lamen a mba ungwan mo nee?" Ahir a Buter pine nahan.

"Msugh u, een, u er tom a mfe wough u ngeren kwagh man lamen man a wase kpaa, Ahir a Buter," Anna nan un mrumun.

Shi a seer er, "Mba ungwan mba ken tashan ne, kule nen Ahir a Buter ave, ne a rumun yô."

"De me za jighlii sha mpin u vesen, me kera vihi shighe ga. Sha mimi yô, Ahir a Buter, ka nyi shin ka an u lu?" Anna pine un.

A za hemen er, "M fa AI ka u tondon a tondo yilan 'ahir a buter', man ka vegher u kwaghhenen u kômputa. Kpa ka ana jim jim u lu, AI? Se soo u fan kwagh wough seer."

"M ngu gbenda u lamen a min u sha ahir a buter u i yer er ChatGPT la ken vegher u lamen zwa. Ka mba eren akaa a wan ken kômputa ve varem ye," ka mrumun u a na ne.

Nzughul Anna kpishi, "Inja i kwagh ne jim ka nyi?"

"Inja na yô m ngu gbaa u ahir a buter u mba eren komputa ve er sha a ci u lamen a ior la. Ahir a buter nga eren tom kposo kposo. Se cii se mba lamen nahan ga," injin la kaa nahan.

"Mfa ka u lam, kpa shi ka nyi i genegh ka u ere?" Anna shi pine un.

"Awashima wam yô ka u wasen ior. Mngu sha injin u lamen u a cimin u kaven yô. Injin wam ne ka a fatyô u kaven shi nan ikyar sha mbampin man atôaikyaa kpishi," injin u iliam la kaa nahan.

"Nahan yô, u ngu Ahir a Buter a lun a injin u lamen, man u wasen ior," Anna kaa nahan.

"Alu u ngu injin u fan akaa kpishi nahan yô, akaa agen kpa aa lu kpishi a u er yôô?" Anna pine un.

"Shin, er mo injin nahan, me fatyô u eren akaa a umace kpa ve a er yô. Inja er, u fantyô u henen kwagh. Me fatyô u kenger sha kwagh shi henen mlu u ker. Me fatyô u henen u kaven akaa kpishi, ishiv kposo kposo, shi akaa a ngeren kposo kposo kpaa."

Injin u iliam la za hemen, "M hen akaa kpishi a uumace ve er yô. Ken a yô, ka m ôr ityakerada kpishi, kua akaa a ngeren sha ahumbe."

Anna pine er, "Hanma kwagh u u fe cii ka akaa a ior ve nger shi ve er yôô?"

Iliam i ken injin shi na mrumun er, "Een, m tese iyol yam shi m hen kwagh sha akaa a ior ve ôr, ve er shi ve nger yô."

"Me fatyô u nan mrumun sha akaa fese je hemban uumace. Shi me fatyô u kuren akaa a cimin a aa tôô uumace shighe kpishi u kuren yô. M hemba ngun a kwaghfan a or umace kpaa.

Me fatyô u kulen kwagh aha kwaghfan u m lu a min yô. Me fatyo u wasen we u tsuan kwagh u a doo u u er yô, sha kwagh u m fe sha a we yô."

Anna pine ior mba ve lu ungwan la er, "Se soo se komputa ve fa hanma kwagh u se fe yôô?"

A pine injin u lamen la er, "Seer ôron mo er komputa ka a hii man a fa akaa a ior yô?"

Injin u lamen la kaa er, "Komputa ngu a akaa a injaa ker a ka kohol kwaghfan a lu a min ker yô. Ka m hen akaa kpishi a uumace ve eren yô."

Ahir a Buter za hemen er, "Me fatyô u ôron hanma kwagh u i nger sha uwegh shin i gber sha kikye yô. Er i hila lu ne yô, ka zwa buter ka m er tom a min u zuan a kwaghfan ye. Kpa, M ngu a mkav u henen hanma zwa cii."

Anna nyor un ken zwa er, "M kav er u lu a kwaghfan kpishi yô. Mkav u fan er i lu or ken iyol shin ken ishima yô u ngu a min kpa? Mlu u u lu injin u ahir a buter ne ka u nena?"

"Mo m ngu kômputa u cimin inja kpishi kpa m fe er i lu or ken ishima ga.

M ngu ikyagh ki kômputa, ki mba ve eren kômputa ve er yô sha u wasen ior u eren tom ve shi eren anumbe. M ngu a mhen shin mfe u i lu or ken ishima ga.

Me fatyô u eren akaa sha ci u ior, er u nan mrumun sha mbampin, ngeren akaa a ôron, geman kwagh ngeren kwagh ken ijô i genegh, man shi nyulan kwaghngeren hingir cuku."

"Ne ungwa hen Ahir a Buter iyol i a ve! Ka kwagh u injaa u ior ve er sha ci u a lu iwasen hen ior yô. Hegen yô ka ishima yase u eren kwagh a ikyagh ki taver shi lun a inja kpishi ne!

Nyian yô ka ape se kighir je la, mfa je er ne lu a mba mpin kpishi nahan. Ka mo wen Anna Asante, m sugh ne u lun a vese sha tashan ne."