Uyaav mba ior ve lu ker mba kposo kposo. Ior mbagenev mba ken uyaav mba i maa ve taver yô. Mbagenev di yô mba ken uyaav mba taver ga.

Takerada ne inger u sha kwagh u ayou a lun gbem ga mba ka i yila er ityumbe la.

Ityumbe ne ngi hen atôatô u ityough ki taregh ki tar u Kenya, ken agar a Samburu la. Angbianev mba kasev uhar, Sidai man Naeku mba tse ken ityumbe imôm, man mbamaren vev kua angbian ve u nomso ukiriki di mba tse ken i genegh.

Angbian u mbamaren vev u nomso di tse ken ityumbe i genegh la vea angbianev vev mba nomso mbela, kua icombor i genegh.

Ibyua i hen icombol ne ngi ye toho ijiir imôm shi icombol ne ngi wasen ayol a ve. Mba tsan hen ijiir imôm gbem ga. Ka ve zenden sha ve keren ajiir a yan toho a he.

Hen kungur u ityumbe la i wa igyar sha usaar. Igyar la ka i wase ibyua u lun ken atô ya shi yangen ior mba i fe ve ga u nyôron ken ya ve.

"Ka se hii u maan atumbe sha ikyav mbi tomov mbi kohol hen ningir wase. Se kohol agbaa a ikyon u nderan mlu u iyou la," Sidai kaa nahan.

Naeku seer er, "Se fa u tôôn akaa a hen ningir wase eren uyaav asev a min. Hanma or u ken ya wase ka nan wase tom u kwagh maan ne."

"Ka se tôô agbaa a ikyon a vesen u nderan iyou sha er ukpekpe nav ve taver yô. Se kange indiran i haav mbu i sha indiran i ken kpekpe u iyou la sha ci u i taver yo," ka ape Sidai kaa la.

"Haav mbu ayou ne tav sha ga, nahan ka i taver u ahumbe a bugh a," ka ape Naeku kaa la.

Sidai za hemen, "Er indiran i you i tile sha je ka se wa ikyon i kiriki hen atô u i vesen la."

Naeku seer nahan er, "Ka se var ihila se kange i sha haav. Ngun ka i yila er iyou i sanen."

"Iyou i sanen i dedoo ka i yange ura u nôôn man oo u tan ken iyou," ka ape Sidai seer pasen la.

Sidai seer er, "Haav mbu ayou ase ka mbu lu delaa shin vingir."

Naeku kaa er, "Iyou i kôngol ka tom u hemban doon mo ken tom u iyou i eren cii. Ka se nungwa angbiôr sha ambi a bua sha u kôngol ayou sha akaa a gbaaôndo. Ka se kura a se cir sha kpekpe se kôngol sha u cirin a an. Kwagh ne ka a yange ihyundu man inya u nyôron ken ayou."

Sidai za hemen er, "Inya i kôngol iyou la ka i cir ukpekpe mbela zum u ka i a uma yô. Ka se shie inya la sha kpekpe. Inya i kôngor iyou i uman la ka i taver."

Naeku shi seer er, "Windoo mba ken kpekpe ga, kpa ityumbe yase ngi a hunda u kon. "

"Kpekpe u kôngol ka a na mndohol ken ityumbe," Sidai kaa nahan. "Ka nyi i lu 'Mndohol'? Naeku pine nahan.

"Angbiôr man ambi a bua ka a wase u kundun iyou ker zum u ka a tsee ken won kpaa. Sha shighe u ndôhol yô, ukpekpe mbela ka ve na mtsee ken iyough, sha u kôron mtsee u usu," angbian na na mrumun nahan.

"Hanma or hen ya ka nan wase u maan, man se cii ka se wase u soughon i zum u ka se a moughon twev yô.

Ka i taver u numun ityumbe shi kuran akaa la shi za eren ityumbe la hen twev u he ga," Sidai pase nahan.

"Akaa a maan ayou ase yuhwa ga, nahan ka i taver ga u tôôn a zenden a min sha. Ka se tôô ikyav yasegh mbi injaav sha rakumi man jaki hen atumbe ase a tse la. Inja er, haav nahan," ka ape Sidai kaa la.

"Ka se a za nyôr hen ijiir i he yô shi se kohol akaa a maan iyou agenegh her kpaa," Naeku shi pase nahan.

"Uya asev kuma sha mlu wase, ka u zenden sha a ilev yasegh," ape Sidai kaa la. "U zenden sha a ilev ne yange se u zan makeranta a ahuraior ase ga," Naeku kaa nahan.

"Makeranta wase ka a na se ian i ngohol ityakerada va ôron, shi ka se nôngo u dondon ityesen kpa vough vough," Sidai kule nahan.