Inyarev ka mbi lu hen ajiir a tsan anza wue wue. I gen ka i lu imiongo ken akum a vesen, mbagenev di ve lu ve tseegh.

Takerada ne ôr kwagh u Naeku man Naserian - angbianev mba hur mbakasev mba ve lu ken ityôtar i ken tar u Kenya la. Angbianev mban mba ken ikyum i kuman uhur mbagenev mba kuman 80,000.

Ikyum i uhur ka ve er ya ve ken iya i i er sha inya yô. Iya ne ka i lu shin atô u inya shin ajiir ne cii.

Vegher u iya ne i ka se nenge a min i due sha ne ka imiondo. Ka i lu umita uhar shin utaa nahan sha taregh inyaa.

Hur mba ken ikyum ne ka ve er akaa kpishi sha ci u ikyum la cii. Naeku man Naserian ka uhur mberen tom.

Mbatomov mban cii ka mba kasev. "Se mba maan man varen inya," Naeku kaa nahan. Hur mba eren tom ka ve maa shi ve sôron iya i hur. Naserian kaa er, "Ka se maa amagh a kehen shi cimin."

"De se pase ne er ka se maa ya asev yô," Naeku na mhen nahan. "Ka se hii timen shin atô inyaa shi eren igbinda shin mi."

Naeku wa zwa er, "Ka se time shin inya sha azegher ase a taver agee ne," se fatyô u kuran inya kpishi.

"U nongon ser ukpekpe mba ijô i se time shin inya la ve taver yô, ka se cir ve tsur sha azer a nungwan sha inya," Naserian kaa nahan.

"Zum u inya i tiher la ka i a uma yô, i taver er inya ityuu yô. Iya i hur ka i tsa shighe a vese," Naeku seer kwaghôron.

"Ka se kura inya i se time la se maa imiondo sha taregh inyaa." Imiondo ka i lu vingir shin i hor, i lu a ijô ker kpishi," Naserian kaa nahan.

"Imiondo hur i gen ka i tav sha je i kuma umita utaankarunyiin nahan!" Kape Naeku kaa la.

Hur ka annyarev mba lun gbar gbar, mba ka ve lu a ityom kposo kposo i eren sha u lun ken ikyum ve shi kuran ve. Uhur mba eren tom er Naserian man Naeku ka ve time shi ve maa iya.

Hur mba ageev ka ve kura iya. Hur mbatomov man mbaageev cii ka ve due ve za zua a ajiir a he a maan iya.

Uhur mba eren twer ka ve kura ngohur man ônov nav mba ka i yila er anyigôô la. Iya ngi ker avegher kposo kposo.

Ayou nga sha ci u ungômbahur, mbaanyigôô man ayou sha ci u koson kwaghyan. Ijô ngi i zan sha ajiir kposo kposo ne cii. Ngohur ka hur u hemban kehen shi ka a hemba tsan kpaa.

Naserian za hemen kaa er, "Ka se man ijô man igbinda i due sha tar sha ci u ahumbe a dedoo a nyôr ken iya yô."

Naeku we zwa, "Gba u hur a lu a ahumbe a dedoo." "Gbenda la ka u wase u panden mtsee u ken iya la."

"Se mba a ajiir a lôôn akaa ken iya yase, ijôv ka i mende ker." Ka se kohol avur a ikyon man ankaam ma gbaaôndo sha u ijôv i mende sha min, Naserian kaa nahan.

"Doo yan!" Naeku ngor. Sule u ijôv ne ka u koso ikyum i uhur ne cii. Ka imba hur yase ne tseegh i lun a ijôv ye.

Akum a hur ne ka a lu a ngôhur man tor. Uhur mba eren tom ka ve koso shi ve kura mbavesen mba ken akum la cii.

Ngôhur ka a tsa i kuma anyom 20 je zan zan 30 kpaa. Ma a ta aji a kuma umilien imôngo ken uma na cii. Anyigôô mba aji a tsev la hur mba eren twer ka ve nenge sha ve.

Naserian kaa er, "Mlu u tar u uhur la i ver u sha inja sha inja." Hanma hur ka a nôngon sha ci u akum la cii a lu uma shi a vese.

Naeku seer er, "Se cii se mba a tom u eren, shi ka se er kpaa." "Hur ka ve er tom imiongo cii." "Een," Naserian rumun nahan. Hegen yô se hide se yem u za timen.