Mugholikadi K kayangura makove shivike nashintje. Doobie, Maya na Duksie kwa vateranga mugholikadi K mushikunino shendi muliyuva lya Mapeu kehe ngura-ngura.

Namuntji vanuke kuna kuvatera mu kuvarura na kurongera makove. Makura nturaumbo K ghuye atware mapakote gha makove kushitanda aka ghulite.

Shihauto ashi pitiki vanuke pa heka ya shikunino. Vanuke kumonenena ndambo ya makove yina rundamo pepi na liroli lya nturaumbo K. "Nane! Makove kughungi!"

Maya ayiyiri okuno ghuye kuna kunegha oko ghana Kara makove. "Walye makove liyovi ana karoko!" Duksie aghamba okuno ghuye kuna kushepa. "Hawe! Walye makove akutika ku mafere mavili tupu!" Doobie akanana.

Mugholikadi K ghuye kuna kuva taterera ku heka. "Morokenu namuvantje, nahafa shili mu kumumona!" Mugholikadi K amorora vanuke.

"Tokwenu ngoli tuvareke kurughana. Muna hepa kuvarura makove kumwe na ku ghatura-tura mu mapakote, kehe muno mulipakote munahepa kukaramo makove 12. Nakara na mapakote 20. Vavili vanahepa kurongera mapakote 7 kehe muntu ano ghumwe wenu ghuye arongere mapokote 6."

Vanuke ava yimana oko yakalire ndambo ya makove. Ava ghambaura ndjira da kukushuva-shuva mu kuvarura makove. "Ame kuna kughayara mu kuvarura ghande mavili-mavili," Maya aghamba.

"Ame nahora kuvarura mane-mane," Duksie aghamba, "Ndjo ndjira ya ghureru."

"Ame kuna kuvarura matatu-matatu, mposhi kapishi tukufane!" Doobie aghamba.

Kapi papitire nyuku vanuke kare vana ywida mapakote 20. "Nawa ngudu!" Mugholikadi K ayiyiri.

"Kengenu, vina hupuko viruhupwa vya makove. Vinguru vyande vya hora makove tokwenu tuvi tapere mbyovino," Mugholikadi K aturapo lighano linya.

"Makove mangapi munatura mu mapakote? Makove mangapi ana hupoko?" Mugholikadi K apura vanuke.

Shirughana shina kukwamoko sha kutjanga ndando pa kehe lipakote kumwe na kuvatera nturaumbo K arondeke mapakote muliroli lyendi.

Vana kona kugaununa mapakote ghano, harufa yimwe kurulyo ano harufa yimwe kurumontjo mposhi shiviha shi shetakane.

"Tantani tumane!" Nturaumbo K aghamba.

"Tankoshi, mapakote mangapi nka tutura kehe kuno mposhi tu shetakanite shiviha?"

Nakadidi shi kare mapakote naghantje rombiri vana mana kurondeka muliroli. Nturaumbo K kare kashapwita lihauto kushitanda vana yiva ko.

"Nange nikaulite mapakote naghantje," aku ghayara mwene, "Kuni kara namaliva ghakugwana ngani wapeke shinyongo sha vinguru ntani ngani vhura kuhafita ko vanuke."

Shirugho osho mugholikadi K na vanuke vavo kuna kutekera vimenwa na kuharaka mahako ku farama. Pa vili ya ronambiri awe navantje

vanaroroka.
Mugholikadi K aghamba ashi: "Yina tiki vili ya kulya. Muna yiva ashi vinke muna kulya namuntji?"

Mugholikadi K ayendi munda akashimbe ovyo ana vawapayikili. Vanuke ava taterere mugholikadi aka vyuke, vavo shimpe kuna kutamangera ashi vinke ana kashimba.

Opo aka vyukire mugholikadi K malimba ghendi ghaku mushishi ana yura.

"Tokwenu tukenge ntjeneshi muna viwana ashi vinke ovyo na muwapayikire namuntji." Mugholikadi K apapatere mu malimba gha mushishi wendi makura ndambo ya apura adiwere pa ntishe.

"Kengenu na shiwana!" Duksie ayiyiri na ruhafo. Mugholikadi K atantere vanuke ashi: "Vhurukenu veta, ku kugaunwina nawa namuvantje muwane vya kushetakana."

Pamuhovo vanuke ava varura apura mbiri-mbiri.

Muvaru: 2, 4, 6, 8,10,12,14,16 ene ngoli apura yimwe ayi hupuko, kudipakerera nadintje adikara apura 17.

Vanuke makura ava kugaunwini apura da kushetakana. Adihupuko apura mbiri.

Vanuke makura avatura apura davo mundjato vashimbe kumundi.

Ngapi apura anawana kehe ghuno mwanuke?

"Tokwenu tutete dino apura mbiri makura tukugaunwine," aghamba Duksie.

"Maruha mangapi gha apura awana kehe ghuno?" apura Maya.

"Naliyiva lilimbururo!" Doobie amenyamenya.

Mpopo tupu nturaumbo K ayatiki ku mundi atunde kushitanda. Liroli lya muporongwa okuno nturaumbo K kuna kumenya-menya.

"Nakaghulita makove naghantje. Weno kuni wapeka ngoli shinyongo sha vinguru ntani na kumu ghulira mbara ya kutanga oyo mwaholire.

"Yaro!" Vanuke ava yiyiri na ruhafo.

Makove.