Lihle vea Lwandle nyôr gôgô matu mba zan shin anngbyan u ter ve shin Lesotho.

Ka zende ve ú hiihii shin tar u iwyoo me ne.

Lwandle er ikyenge "Senou ngu hanmajiir heen!"

Lihle kaa ér, "Á cir hanmajiir er ka bologo u pupul nahan."

"Er I doom yô tsee ken matu ne!" Lwandle gba ember.

Lihle kaa ér, "Ken won á ndôhôr je á gande. Hir u heen ka or á gba kundu."

"Mndôhôr u ken Lesotho hemba u shin tar wase Limpopo," Lihle za hemen.

"Kam keng er m tôô akondo á wuhee nahan," Lwandle kunde wuhwe.

Matu va nyôr. Ve mba sughun anngbyan u ter ve. Á hua zege kotu, a pelegh tsar sha mon shi á cir idyer.

"Ee-ee!" Lwandle dugh ken won yô, á gba kunden wuhwe.

Anngbyan u ter ve va á bologo mba dedoo sha ci u Lihle man Lwandle.

"M sugh ne za van sha Hir!" Á kuve ve cii.

"Zenden nen teghlee teghlee, inya lyemen á awombo," anngbyan u ter ve ta ve icin.

Ve kar ve nenge ikyúmiyôngo i gban aive kohol yav ijiir imiom sha ci u keren mtsee.

Shin inya a pe awombo u cir la toho kpe, uma nyian kaang. Annyamev mba á kwaghyan kpishi ga.

Ikyon ka i de vesen, toho kpaa ú kpe shien u Hir.

Lihle vea Lwandle tema hen kpeusu hen ityumbe i anngbyan u ter ve..

Á na ve inyam i acivin kua atsaka ú duen tulugh, á kaa ér, " Lekhotloane ka kwaghyan u nan mtsee."

"Sha Hir yô, iyange dugh fele ga kpa ka i mile fefa. We lu ken atô iyough shie á lihye," anngbyan u ter ve kaa nahan.

"Se kpa se wa iyol a ityakeda man anumbe" ve rumun.

Mbampin
Lihle man Lwandle za hana?
Ka hanma shie?
Ter asember atar(3) á tesen iaven ne.
Ter akondo anyiin (4) á shie ne
Hir u Lesotho kaha á Hir u ken tar wou we?