Lihle vea Lwandle za shin sule ngô' ve u tamen Ken gar u Vhembe.

Is hiin ve zan ken ityev je ne.

Cii man vè nder yô vé ungwa iov ken won!

"Aya, u nder ve! Ka nyi ayôôsu i lu eren ke' won nahana?"

"Ônov av nder ve! Is nomikyegh á lu tôngun ye. Tom na ka u nderen ior," Aya se beelee.

"Ime wa ken won heregh kpa shie yô za.

Nyom yô iyange ka i due fele ga kpa i gema i mile fefa," Aya ta ve iwyanger.

Aya za hemen ér, "Nyom yô oo ka u pande, mndôhôr kpa á kera lu ér Hir nahan ga."

"Kwagh kera gbe sha akondo á wuhwe kpaa ga," Lwandle kpa rumun.

"Nyom yô, imendenev kpishi ka mbi hii u nyian sha ikyà shi uman kpaa.

Hegen se bee sunda u iyiav yasev chii," Aya pase nahan.

"Nyom ka se sange alev, se kulugh akôr, man igbyough kua ahu kpishi á dedoo," Aya pase be kpaa.

"Aikie ne se ya kwaghyan sha abushi, Aya za hemen."

"Se mba kera yamen ikyaiue ga. We kaha à hen akôngo," Lihle tôm.

"Ka mhen u dedoo! Me tese ne," Aya tôndo zwa á ve.

Lwandle pine ér, "Aya, ú lôô atamaikyon kpaa? Mo icegher i nyohon ngi hembe doon mo!"

Aya se beelee, "Se sember sundan iyiav kpishi kua icegher kpaa!"

"Nyom ngi á aven yô, ilev mbi yange i mar mbi Fam cii mbi gande nahan se pande se tee.

Ilev yasev ka mbi na se atumba, aji, man inyam," Aya pase ve nahan.

"Ka se kura aji'kyegh kpishi se ya kwaghyan u pepe man se yar u za lôôn aiue," Aya se beelee.

Saan Lihle man Lwandle iyol sha ci u vea yar ken ityev vea Aya.

Mbampin
Nyom ngi á aven yô, ka nyi ka i gema ken akaa ne?
*Ikyon
*Mtsee man mndôhôr
*Mdugh man mmir u iyange
*Annyamev

Ka nyi i ze hemen ken sule u Aya nyom ne?