Basi aho kala, korekoghe na wakelu wasanu wikiishi andu kumweri. Wideka wikishiriki kila kilambo.

Ituku jimu wikasirilwa ni vindo. Wikawanga mwandu. "Dipatagha hao vindo veja?" umweri wawo ukakotia.

Basi wikasowa ijibu jiangue kwa iswali ijo kwa sababu ndewerekoghe na magome na waghenyi kijijinyi.

Wendakwanya maghesho kwa ngelo vui, umweri wawo ukaghora, "Ndokonyi diende!" M'bao umu ukakotia, "Kiwada?"

Wakadadu nao ukaghora, "Kuiwa vindo." Wa kana nao ukaghora, "Dikawadwa?"

Wa kasanu ukaghora, "Kusekaiye na shida ingi!"

Basi awo womi wasanu wikaenda sokonyi kuiwa kilambo chingi cheja.

Basi wendazoya kuiwa, wikawadwa!

Womi wasanu wikaenjwa kwa kituo cha askari.

Wakati ghwa wuchunguzi, askari ukakotia, "Maghesho agha ghekoghe gha ani gheiwa vindo?"

Womi wikazoya kughoghoriana. Alafu wikamghoria askari seji koni ebonyekieghe.

Wa imbiri ukaghora, "Ini nidefunya tu maghesho diinjike, na diseiwe."

Wa kawi ukaghora, "Nedetambwa daweenda hao."

Wa kadadu ukaghora, "Dededikiana diwose dilole vindo."

Wa kana ukaghora, "Nedemkania mbose kwamba didaenda wadwa."

Na wakasanu ukaghora, "Namanya diwose de vitoi, niko nikaghora, msekaiye na shida ingi."

Baada ye sikira agho ghose, askari ukaelelwa kwamba womi wose wasanu wedehusika na wutoi.

Askari ukabonya wuamuzi, "Ni nicha kushiriki kila kilambo, isipokuwa maghesho ghizamie!"