Kudamba, kokoghe kukiishi mwana wa waka ughokie irina jake orewangwa Ella.

Odeka mlacha, wa chilu, na iridia ja chilu. Na meso ghighokie.

Ella odeka na maghegho ghielie gha lulu. Odeka na ngolo ipoie na mwana waka wa bidii. Ndoonekagha wavi wake wasi.

Kilambo chenekagha wasi wavi wake ni kukunda kumanya kwake. Odeka ukikotia maswali ghiseko gha kawaida.

Kwa mfano, kalamu yake ikachika, Ella wadamkotia mae, "Mao, kwani kalamu yapo yaenda mlungunyi?"

Wavi wake wikachokeshwa ni maswali mengi gha Ella na mando ghamu, wamnyamiria.

Ela, mruna Ella wa womi, Henry, kila ngelo odeka ukisikiria maswali gha Ella. Kama vua yawenya wadakotia, "Kwani vua kwa mawingu yawelila?"

Mruna wa womi ukamseka, "Hata!" Ukamwelezera vua idanya ngelo mruke wukangilwa ni mbeo angani.

Ituku jimu ukaamua kufumafuma. Ukisela, ukawona mudi ghwa tufaha na bila kumanya ukachikanya itawi jake.

"Ai! gwahitaji daktari," Ella ukagora. Cheshinua, mudi ghukaghora. "Ni loli, nahitaji daktari."

Ella ukashinika na kukotia, "Kwadima wada kudeda?" Mudi ghukatumbulia, "Ini ni mudi ghudimagha kutumbulia maswali ghako ghose."

Ella ukakotia sena, "Kwaki mwana wa womi usawekusikira?" Mudi ukatumbulia, "Angu usekotere."

Ella ukakimbia kwa mruna wa womi na ukamghoria ghose ghabonyeka. Wose wikashashira wikikimbia kwa mudi.

Henry ukakotia, "Oho ni wa loli?"
Mudi ukatumbulia, "Ini ni wa loli." Wose wikavina kwa kuboilwa.

Kufuma iyo ngelo, wikasigha kusumbua wavi wawo sena.

Ngelo yose wakaiya na iswali, wedeka wikienda kwa mudi ghwa tufaha na ghukawitumbulia makotio ghawo.