Korekoghe na mndu odewangwa Terna usene muzi wala kigharo. Odeka ukilola matunda sa vindo vilembenyi.

Na ngelo rimu wadalala aho, fuwe na sokomndu rikimzighana midinyi koighu na masakenyi.

Odemaramara masakenyi mpaka ukapata kuwona midi nyingi loliloli.

Ukafikiria huwu, "Iro midi rawezama duu."

Uenda koja kumaramara, ukaketi andonyi, ukajinia mdi ghumweri alafu ukalala.

Iro midi ridempighiria iruwa na nyonyi naro rikadaida naighu rikibora chumbo risingie.

Ukapata maghesho.

"Nikadema midi rimu, nadima nipoise magome na niwue mmiliki wa nyumba mbaa mbaa."

Ukaenda kifumbunyi ukalomba msumeno alafu ukazoya kudema midi.

Sokomndu ukamlomba, "Loliloli sigha kudema midi. Midi ni muzi ghodu isi na nyonyi. Matunda nagho ni vindo vedu."

"Ini nekunda magome niaghe muzi ghwapo," niko Terna ughorie.

Ukazerwa in Sokomndu, "Si nicha kungi kunona muzi ghwa nyamandu na nyonyi nyingi eri kupoise ghwako."

Terna ukarumiria mawiwi ghake. Ukawudua msumeno alafu ukakumbatia Sokomndu.

Sokomndu ukamtesia mghenyi wake Terna na maghesho kukaia wadima kutumia wudongo kupoisa matafwari. Halafu utumie nyasi na midi righosere kupoisa kiwanda chake.

Uwu, wose wawi widakaia na mizi.

Terna ukarumiria. Ukakaia ukienda selia Sokomndu kila ngelo. Sokomndu ukamrumiria kuwaya matunda mengi na midi righosere seji wadima.

Terna na Sokomndu wikawuya waghenyi wabaha nandighi.