Or gen lu ken angar u Kalum. Iti na lu Muha, kpa or môm fa iti na ga.

Ior mba hen angar la soo un ga sha ci u á ndahar kpishi.

Vé yilan un er 'Tiôn Or. Kwagh ne vihi Muha kpishi je á ule.

Hanma shie yô á tema shin itine mongoro, á henen èr i ér ve ior vé vihi anza yum yô.

Iyange i gen yô, makeranta u hen angar la kôr usu gba hian.

Ior cii gba cian gbidyen ákaakáse iyol.

Muha lu á mciem ga.

Muha yevese sha áfatyô na cii nyôr hen ya na.

Á tôô zege bokoti a mngerem shimi.

Á hidye ayem á za haa sha usu la.

Ér Muha gba zan hidyen ayem ayem yô, ior mbagenev dondo ieren na la. Ica gba ga je tsô, usu la man gba ikyule.

Saan ior mba hen angar la iyol je vé tôô un sha akende.

Ior hii amar á vinen. Ér vé gba vinen amar yô, orgen pine ér, "Tiôn Or ne yô, iti na ér ana?"

Muha kaa ér, "Mo iti yam er Muha."

Ikpilaior cii ger amo ér, "Muha, Muha, Muha."

Hii iyange la je, or môm kera yila un ér ' Tiôn Or' ga.

Ior zua áve vé maa iyough i he sha ci u Muha.

A vôsu kwase hen angar la, i yilan iti na ér Michine.

Ivese vé hôm shi lu á msaanyol kpishi.