Môŋ, obotu jio êŋîŋa-ꞌtelefision ana, nanî abusuti hôî ahan, afure hoŋ Iwwotita Ennettok! Efûanya nî êŋîŋîalak hôhôî ꞌdaŋ hutta haŋ iko hunno owoni ꞌtô hûna dini.

Owon ôgîôfôtô hoŋ dini ahana alla awahî aatî ꞌdaŋ ifiyo inyi êfîîta. Afaŋ ataji hoŋ bêbê ifiyere inyi, afure honyi Agênyan-Oŋônyôtô (AO)!

Môŋ AO. Hûmô ta attuna hôî îyabarî iko hôhôî îgêmî hôhôî dini ahana," ajio Iwwotita.

"Hûmô ta alêtên hôî ifiyo nanî, Iwwotita. Iwak iyye ijiara nanî êkîana ta amôkôrôfôn ôŋîda êŋîŋîalak hôî hûna îtayîrûnî, buo fê egiorok êtarraŋîta hoŋ îhômôm kompiutta?" Ifî AO.

"Hûmô, aafê, ôlô anîa iluak êllê egiorok iyye buo fê îkîana îtahûtaniere amîjana hôî egioro iko êkîana, AO," îtarraŋak Iwwotita.

Afônîk Iwwotita, "Hibenna awôttô, ifufuohina ahas hataî jio AO, îtaî hunne îwanata ꞌtô hûna dini."

"Ijiara nanî asôrô jio êfî annittokon. Ta ahôdê-hôdê hîram, nanyio kuyya buo fê ŋaî ônnô ojiori AO?" Ifî Iwwotita.

Adulo Iwwotita êkîana, "Amîjak nî jio A.O. inyi ꞌagênyan ôŋônyôtôꞌ êllê êtasuk elietita honyi, buo ara êhîana ônô ôfîôrô kompiutta. Atî, ŋaî iyye hôdê-hôdê, AO? Ewak hôhôî îmîjana êrrê arriaî jihoye."

"Nanî ChatGPT, agênyan ônô êkîana ênnê îhûhûmûnî. Aatî hullo ômîjanî ꞌtô êhûhûma êrrê hunne îgîamarî akompiutta îhûhûmûnî nanî," Itarraŋak ChatGPT.

Ittayata Iwwotita, "Iramanî hûnîa ꞌdaŋ jihôhôî anyio?"

"Iramak anîa jio nanî afacan ônô OA ênnê îhûhûmûnî êhûhûmak kompiutta ôŋîda îkîana ika aatî. Igîamaî afacanî OA êgêmîta hosi ꞌdaŋ gele-gele. Obeŋi isi îkîanaî ꞌdaŋ ihuo nanî," afônîk ChatGPT.

"Amîjak nî iremik iyye îkîana, atî hunani hîrrê hunne iremik buo fê iyye îgêm?" Ifî Iwwotita.

"Oyyeuni nanî jio ôŋîda nanî aluahio aatî. Ekîana ônô akompiutta ênnê îttagûlênya ayya honyi bêbê ara êtawoni hoŋ. Oremik êkîana kompiutta anîa îtayîrûna êram buo fê oremik îtarraŋana êfîîta arriaî iko ettiyenita hunno ômûk," îtarraŋak ChatGPT.

"Tô hûnîa, Ira iyye agênyan ôŋônyôtô ônô êkîana kompuitta, buo fê iyye iluahio aatî," ajio Iwwotita.

"Ellê îra iyye ôlôgênya ônnô oŋonyuni, ôlûajî adî bu nêrrê hunne iremik iyye îgêm?" îfî Iwwotita.

"Hûmô, ara duo bu nî êgêmî watî, aremik nî îgêm nêrrê arriaî hunno oremehini aatî îgêm. Ihuo, aremik nî ittiyenuna êrrê. Aremik nî îhên aramî-ramî êttê nî ittiyenuna alûfajîta iwojiti hosi teyya. Aremik nî ittiyana aherio hîrrê hunno ôlûfajî ꞌtô, alûfajîta homomite hîrrê, iko alûfajîta igierita has watî."

Adulo ChatGPT êkîana, "Ettiyenu nî aramî-ramî arriaî hunne igioroni aatî. Ihuo, êhên nî abuhi arriaî, arrîcê-ramî-ramî, aramî-ramî hutto bôyô, iko aramî-ramî hutto abôyô-miji."

Ifî Iwwotita, "Jio nêrrê ꞌdaŋ hunne îmîjak iyye hûnîa ofuonni isi jio aramî-ramî hunne igioroni aatî iko nêrrê hunne îhûmûnî aatî?"

Itarraŋak ChatGPT, "Aafê, ekikiema nî many amîjaniere nî buo fê nî ettiyenu tô ramî-ramî arriaî hunne îhûhûmûnî aatî."

"Aremik nî îtaraŋana kûak êfîîta arriaî hunno ôlûfajî ꞌtô agalîk aatî. Aremik nî ittulonia nêrrê hunno ogoli ꞌtô bêbê hunne îyaraî ꞌtô asahien arriaî jio atulo îhûhûmaniere. Owoni ôfîôrô tulo jihoŋ arriaî agalîhînî ôfîôrô huno atulo abotie.

Aremik nî iŋut êram ta aramî-ramî hunne ettiyenu nî. Aremik nî iluak iyye ta anyimo hîrrê, tô nêrrê hunna amîjak nî tê iyye."

Ifî Iwwotita êtayîrak, "Ewak jio ijiara akompiuttaa îkîlûnî nêrrê ꞌdaŋ hunne êmîjak?"

Attatî inyi îfî ChatGPT, "Inyiaha îdasana jihoŋ ittiyanaî akompiuttaa aatî aŋaî?"

Itarraŋak ChatGPT, "Owon akompiutta iko êgêmîta hunno ogoli ꞌtô bêbê hunno oluahi ꞌtô nanî ehuhuru aramî-ramî. Atî ônô ôsô ꞌtô bêbê, ettiyana nî tô ramî-ramî hunne igioroni aatî. Ettiyana nî tô facani ramî-ramî ꞌdaŋ hunne îhûhûmûnî aatî.

Adulo ChatGPT êkîana, "Aremik nî îhên egierita hanî iko hunne iddiddohonyoni ta akompiutta. Many jio ôlôŋ ôlô ahana, Iŋilis ara êkîana ênnê êdûhûttarî nî aramî-ramî. Atî, aremik nî ittiyenuna êkênîta hunno ômûk ꞌdaŋ."

Itagûny Iwwotita, "Amîjak nî jio îmîjak iyye aramî-ramî arriaî. Buo êrrê taji? Osô ataji hôî aŋaî ta asaran hôî AO?"

Nanî arîŋ kompiutta ênnê irrirrokodo ayya honyi bêbê, atî obeŋ egigilo ônnô obotu ꞌtô tô taji jihoŋ.

Nanî êgêmî kompiutta, aatî hullo ômîjanî ꞌtô êhûhûma hîrrê kompiutta îhûhûmûnî nanî ôŋîda nanî aluak êgîama watî iko nêrrê hunno omunoi isi. Obeŋi egigilita hutto hou kuyya buo fê hunno obotuni ꞌtô tô taji jihoŋ.

Aremik nî îgîamana êgêmîta jio aatî, ihuo êtarraŋio îfîîta, egierio îyêbîta, ênyaluhio ômûk êkênîta watî, iko êtasuhio ramî-ramî."

"Itayîrûna îtaî tô hûtûk AO! Egêmî anîa ônnô oyyu ꞌtô bêbê, aatî oyyeuni inyi jio ôŋîda aatî îgîamarîk inyi. Ara anîa jihôhôî îgîamarî êgêmî anna agalîk ꞌtô anîa ta ayiji iko ta agênyan!

Isi hûnîa hunno owoni ꞌtô jihôhôî ahana, amîjak nî jio howoni êfîîta arriaî jihataî. Afure hoŋ Iwwotita Ennettok, humenna bêbê tê êŋîŋîala êŋîŋa-ꞌtelefision hoŋ!"