Iyange igenegh sev hungwa, tsee iyol iyange la kpishi, Khosi gbaa zenden kôndon shi senen tsô. Lu henen kwagh u un a er yô.

Ngô u Khosi lu yar ken ityev wundu un hen ya.

Khosi pine iyol na er, "Ka nyi jim me er a iyol yama?"

Khosi za zua a mhen ken ishima na fese.

A pine ken ishima er, "Me yem me za tungu iyol shin ifi, kpa ka an jim nan a za vea mo?"

Er lu eren mhen zan la, Mama Sophie gba va karen, lu yemen shin ifi, tôô ikyese sha ityo a akondo shinmi.

Khosi kaa ken ishima na er, "De m dondo Mama Sophie m yem shin ifi."

Khosi za pine un ian er, "We a rumun yô, ma m lu yemen vea we shin ifi. Mama Sophie kpegher sha ityo.

Mba ngur yemen sha gbenda yô, Nozipho za kohol ve. Nozipho iyange lu soo iyol tungun keng ga, kpa a soo u nengen er ior ve lu tungun yô.

Mba za nyer shin ifi yô, Khosi kaa ken ishima er, "Nyian yô, m kera ngu tungun iyol sha kpetar ga, m kera ngu wanye ga! Me tese ior er mo kpa m fe u tungun iyol ken atômnger yô."

A tsuwe a ta shin mnger, tiing!

Nozipho tile ica lu kenger.

Nozipho tile lu nengen er mbayev cii lu tungun iyol shin ifi a iember yô.

Ve lu tungun diing diing je.

Ve lu ngoron a ayolave a iember.

Ica gbe ga yô, Nozipho nenge inja er kwagh ngu tsumen wen nahan. Khosi lu tungun iyol ica a mbayev mbagenev.
Nozipho kporon ikyua shi za sôr kenger.

Cier un iyol a kwagh u iyange nenge la, a yevese a za pe iyange kasev lu kiren akondo shin ifi la.

Nozipho ngor er, "I va wase oo! Khosi ngu miren shin mnger."

Fese je, Mama Sophie tsuwe ta shin mnger tiing. A ôô ue asen asen.

A mire shin mnger a za due keela, lu keren Khosi.

Nengen a Khosi yô, a za gba un sha we a yem a na sha kpetar. Mama Sophie mase kôron Khosi due a na sha won.

Mama Sophie zende fele fele kar pe iyange mbayev man kasev kase lu gbiren var la.

Nozipho dondo ve ken ijime. Mama Sophie yem a Khosi sha iyouci i kiriki i hen kpentar la.

Mba za nyer yô, kwase iyouci Noxolo, yevese za wase Mama Sophie.

Noxolo ngohol Khosi fese nyôr a na ken iyou, kasev mba yaren ken iyouci kpishi za heregh u za wasen.

Noxolo nengen yô, a kaa er, "Ka ikyôr na je a shi shin mnger gbem ga la, kwagh a er un ga."

Mama Sophie shir ishima foo, er fa er kwagh a iyol ga yô.

Hanmaor sha iyouci wuese wen er a lu kwase u taver ishima, shi a fe ue ôôn kpishi yô.

Mama Sophie kaa er, "Saan mo iyol kpishi er m fetyô u waren uma u or yô."

Agwa u kwagh u iyange za hemen la yem zanzan nyôr a ortar u hen kpentar la. A tindi loho er i kaa Mama Sophie a za.

Mama Sophie ze yô, a za pase tor er iyange i hii ver wen fa ue ôôn yô.

A pase nahan er, "Iyange m lu wanye yô, huror wam lu ifi yande la. Mngerem lu kwagh u se numben a mi hanma iyange yô. Ka pe iyange m hen ue ôôn je la."

Ortar la yila mkohol, a yôô heregh er un ngu nan Mama Sophie iyua sha ishimataver man shi erdoo na.

Kasev haa awer, nomso tôngo ihyondo, mbayev ger diing a iermber. Hii sha iyange la je, mbayev cii ve gema dondon Mama Sophie ken ijime. We waan amo ve kaan er, "Aa Mama Sohpie yô, kwagh u zan mo iyol ngu ga."