Aruta lu wancôvor man vese vea anngbyan u ngô na u kwase. Anngbyan u ngô na la vihi tu kpishi.

Zum u mbayev mbagenev vea yem makeranta cii kpaa, á tindi Aruta á yem u teen akaa sha pelengi.

Aruta á ese iyough, á kile ikyav shi á sôr ya cica.

Lu á shie u nùmben ga. Aruta lu á ahuraior kpaa ga.

Iyange i gen yô, Aruta za mngerem ma kesen shin ifi.

Tsô á nenge à iyôgh ki zanaria mondo shin mnger. A za wegh á tôô.

Aruta gema iyôgh kila man na orkuranilev u va à ilev u va nan mbi mngerem yô. "Iyôgh you kin, orvesen. M dugh ki shin mnger," Aruta pase or la nahan.

Orkuranilev kpa hidye á ki na Aruta. "Ngohol. Ka ki you!"

"Ei, anngbyan u ngôm un á kaa er mo m ii orgen iyôgh," Aruta venda.

"Iyôgh kin ka iyua i Aôndo sha ci wou er u lu á jijingi u dedoo yô. Hanma shie u i gbeu u eren kwagh cii yô, tindi ki," orkuranilev la pase un nahan.

Aruta man hidye à iyôgh kila ken ya. Cii man anngbyan u ngô na à nder yô, á tindi iyôgh ki bee hanmakwagh.

Tembe u lu waang, agbánde à engem, shi mtém ma mngèrem ma iv á mngérem poo!"

Kwase vihin tu la un à nderen yô, á nenge pelengi u teen akaa u lu à inyaregh sha min poo, kpa ikyav mbi teen mbi bee!

Á kera fa kwagh u gen u un á tindi Aruta sha min ga.

Aruta hingir wankwase u saansaan.

Hingir u memen, numben ,shi zan makeranta er mbayev mba kpishi mbagenev nahan.