Ken gar u vesen ugen, wankwase u doonashe ugen lu, i yilan iti na er Ella.

A tav kpishi, lu il dindee, ice na i sha ityo kpa ile ashe. Lu ashe pevelaa.

Ella kungu anyi ken zwa seghsegh. A fa kwagh shi tavershima sha kwagheren. Iyange imiom kpa va mbamaren nav á zayol ga.

Kwagh u yange zayol yô, sar un pe fan hanmakwagh. Á pine ve mbampin mba taver.

U tesen ikyav yô, iyange i gen yô pensel na vihi, Ella pine ngô na er, "Mama, pensel wam yem sha Tartoro?"

Ashie á gen yô mbamaren nav ve ungwa un ago, gadia vé vôr á mbampin nav mbala.

Kpa anngbyan u Ella, Henry á wa ishima a na, á kegh ato á ungwa. Zum u wura lu nôôn yô, Ella pine er, "Abeen ne nga vaan shinii?"

Anigbian na nande ahan, kaa er, "Ei!" A zahemen u pasen Ella er wura ka u nôô zum u mngerem ka ma hingir er ka turugh nahan man abeen á kôr ma yô.

Iyange i gen yô Ella due lu zenden kela. Ngur zenden yô, á nenge kon u apul sombo gbaa abu.

Ella kaa ér, "Kpei, aye! Kon ne soo u zuan á ortwer." Kwagh kpilighyol yô, kon la kpaa rumun. "Eeen! Sarem pe nengen á ortwer."

Kunda Ella iyol tsô á pine er, "U lamenaa?" Kon la kaa ér, "M ngu kon u nan ikyar sha hanma mpin."

Ella shi pine er, "Man er nan ve wannomso ne á ongo ga?" Kon la na ikyar er, "A ungwa ga sha ciu á pine ga."

Ella kura ayem za ôr anngbyan na. Ve cii ve kura ayem ve za hen kon la. Henry pine er, "U ngu kon mimi?"

Kon la kaa ér, "M ngu mimi." Ve uhar cii ve tsuwe amar à iember.

Hii shie la je, vé de u zan mbamaren vev iyol.

Hanma shien u ve a lu á mpin cii, vé zá ve zà pine kon u apul la tsô u na ve ikyar.