Ngise abumeaior agen Lu nongo. Ve cii ve yaan ikyagh imiom.

Iyange igen tsô kwaghyan ve bee. Tsô ve gba eren mhen.. "Ka han jim se zua á kwaghyan nyiana?" Môm ken a ve pine nahan.

Taver u man ikyar sha mpin ne gadia vé lu à inyaregh ga shi vé lu á ahuraior á gen hen ityô vé ga.

Mba tamber dôô yô, ugen ken àtô vé kaa er "Mogh se yem nen!" U sha uhar pine er, "Hana?"

Ibyumeor u sha utar la kaa er, "Ape za iin kwaghyan." U sha unyiin pine er, "Akôr se ga zee?" U sha utaan kaa er, "Ka zayol la ga!"

Tsô iorov mba utaan mbala mogh yem ken kasua u za iin kwaghyan.

Mba hiin a hii u iin je man i kôr ve!

I yem á ve utaan cii sha polis steshion.

Mba gbe tôvun ve yô, polis pine er, "Ka ana yange nan due á mhen u iin kwaghyana?"

Ior mbala lam ivyaavyase ayolave. Tsô ve ôr polis kwagh u yange za hemen yô.

U hiihii la kaa er, "Mo yange m kaa mer Se yem tseegh, m wa iv sha min ga." U sha uhar la kaa er, "Mo yô yange hangem á hange u fan pe yange lu pe se yem la."

U sha utar la kaa er, "Se cii yange Se lumun er se zà ker kwaghyan."

U sha unyiin kaa er, "Yange m ta icin mer, se cii á zà kôr se."

U sha utaan gema kaa er, "Se cii yange se fa èr sé lu mbaiv yô, ka nahan yange m kaa mer 'Zayol ngu sha kwagh la ga ye'."

Polis mba ongo nahan yô, ve kule ijir er, iorov utaan mban cii ve zua zwa u iin.

Or polis mase kuren kwagh er, "Doo u lun á ijoghzwa sha hanma kwagh u dedoo, kpa doo u zuan zwa eren kwaghbo ga!"