Ngise ngise la; Begha, Icôngo, Bagu man Dwem ve lu hen ya môm.

Bagu man Dwem za er mhen u ifyer sha ityogh ki Icôngo.

Ve yem ken myer ve za kohol Begha.

Bagu pine Begha er, "U ngu or u icivirigh kpishi, man er nena ver u we akôv a shin angahar ga?"

Begha rumun er, "U ôr ka mimi, nahan u nenge wer, ka ana nan a var'm akôv shono?"

Dwem na ikyar er, "Icôngo un a fatyô u var'u akôv shon."

Begha kaa a ve er, "Yila nen Icôngo a va fese."

Icôngo ve yô, Begha kaa a na er, a var un akôv.

Icôngo kpa iyange tsume un.

Tsô Icôngo za kaa a Begha er, "Mba hembe varen akôv a dedoo sha ikyôvor ki Bagu man shi ki Dwem."

Begha kaa er, "M soo ka akôv a hemban doon la."

Begha kôr Dwem man Bagu wua. Gema akôv a inyam la na Icôngo er a yem a se a za var u akôv a shin angahar a mi.

Icôngo yem cian er aluer u var akôv la ga yô, Begha a wua un.

Icôngo er mhen, a yem a akôvanyam la za haa shin ifi.

Tsô Begha kera gba fantyô u wan ishima ga. A pine sha kume er, "Akôv am nga hana?"

Icôngo na ikyar er, "M ngu keghen mer, akôvanyam la a leghem."

Kpernan sev mbu hongo mbu aven yô, Icôngo gba za van ayem shi ifi.

A kaa a Begha er, "Orugenegh ngu shin ifi er ka we yô, nan ngu kuran akôv la. M fatyô u zan ikyua ga!"

Begha kar ayem yem shin ifi. Za nengen a jijingi na tsô a tsuwe ta shin mnger u nôngon num a mi!

Begha saa shin mnger. Icôngo ti due iyol ishô.