Terna lu a ya ga. Zá zenden kèren atam a ikyon ken ikyô. Ashie agen a yav ken ikyô, mbaikya man mba ambo ve unde sha ikyon ve kuran un.

A zende ken ikyô nahan a nenge a ikyon kpishi.

"Ikyon ne ngi saan ishe heen," a hen nahan.

Zenden va ver yô, a gba mnyam shin itinekon.

Ikyon yisa un mule. Inyon kpaa, lu gberen un amo tsô a yav kundukundu.

A zua á mhen ken ishima Na!

"Aluer m gber ikyon ne yô, me zua á inyaregh kpishi. Me maa uzegemba-ayoov kpaa!."

A yevese á yem ken angar ugen, á za ngohol ijembe. A gba min gberen ikyon me..

Ambo nengen yô, á va gba zamber un, "Curcur, de gberen ikyon ne ga. Ka ya wase vea inyon.. Atam á i kpa ka kwaghyan wase."

"Kwagh gbam à inyaregh ki Maan ya wam," Terna na u ikyar nahan.

"Aluer we u vihi ya u se mbanyam man mbanyon sha ciu maan u wou yô, ka ifyer jim!" Ambo kaa nahan. Terna gema ishima. A ta ijembe kera man á kuve Ambo.

Huror u Terna, Ambo va un a mhen ér un a faityô u hôrun amgbyôr tan akam, shi wuhen ihila, gberen atsor a ombor maan ityumbe.

Ka ape ve cii vea lu á uyaav je la.

Terna kpa rumun. Hanma shie yô, á za Ambo vanya. Ambo kpaa, á Na un ian á zôr atamakyon shi á gber ikyon i uman sha ishima na.

We hingir ahuraior á dedoo.