Or la lu a kasev uhar, ve lu wuhwe.

Ve tsaan ken iyoumcimbi imiôm vea nom ve.

Iyange kasev mbala tsa hen or la kpishi, kpa mô ve nan lu a mar wan ga. Kpa shie karen kpuee yô, u hiihii la va wa yav.

Kwase la va mar shie u iyange orya ve lu heregh ga yô.

Tsô kwase u sha uhar la nyôr iyuhwe eren sha wuhwe na, man wan cii.

Kwase la gba keren gbenda u wuan wuhwe na sha er un a due sha nom tswen yô.

Hen ishiva la, ior jiidi kwaghyan ga, i gba yan kôgh tsô.

Kwase u sha uhar la kaa je er, "Me jiidi kwaghyan sha er wuhwe'm un a ya a kpe yô."

Iyange na jighjigh er kwaghyan u jiidi un a wua or keng.

Hanma iyange a jiidi kwaghyan a na wuhwe na.

Kpa wuhwe na kpe ga, nyiishi lu kehen a kehe doonashe sha ciu kwaghyan u lu jiidi la.

Orya la za hidi zende yô, nenge a wan, shi nenge er kwase na u vesen la kehe shi dooashe kpishi yô, shi nenge a kwaghyan u jiidi.

Or la ya kwaghyan la doo un, tsô a pine kwase na la er, "Ka an nan tese'u kwaghyan u jiidi?"

Kwase u sha uhar la kaa a or la er, "M ngu jiidi kwaghyan sha er wuhwe'm a ya a kpe yô."

Kwase la shi za hemen kaa er, "Wuhwe'm hingir a wan nahan doo'm ken ishima ga, m ngu henen mer u va zenda'm."

Ishima vihi or la a na kpishi, or la kaa a na er, "Ka we ne, de tsav."

Or la yila kasev nav mba uhar mbala cii, hime ve iyongo.

Ve cii ve rumun er ve a gema jiidi kwaghyan cii yaan ye, sha ciu a na ve hemba doonashe.

Ka pe iyange i er ver uumace hii u jiidi kwaghyan je la!