Iyange sev hungwa av tsô, ijen kôr Iwyatoho.

Nôngo er un a kôr Ihyev kpa fatyô ga, Ihyev la yevese yem.

Iwyatoho nôngo er un a kôr Ihinga kpa i yevese i unde sha kon. Gem yô, shi a nenge a Ihyev igenegh, a kaa ken ishima er, "Ihyev la i a nyoho inyam."

Ihyev la kpa nenge a Iwyatoho la, i kar ayem i za nyôr shin ityôwyen i kar i ta shin zwa. Iwyatoho kaa er, "Saa me time zwa ne me kôr i ne keng."

Tsô Iwyatoho hii u timen zwa la. I time zwa la za shin mi kweeng, ica gbe ga yô, iwyen la za menger kighir Iwyatoho sha ave, kera fatyô u moghon sha ga.

Iwyatoho gba ngoron kaan er, "Kwagh tser'm heen! I va wase'm! I va wase'm!"

Tsô Alôm za ungwa mlyam ma Iwyatoho, a yevese a za heregh. Alôm pine er, "Ka nyi i ze iyoloo?"

Iwyatoho na ikyar er, "Ashen m yar ikyôr m lu timen Ihyev man iwyen za menger va kighir mo sha ave. "We a rumun yô, ma u wase'm!"

Alôm kaa a Iwyatoho er, "Ma m wase'u kpa m ngu cuku shi m ngu a agee ga, iwyen ne kehe shi i yuhwa. Tom la u a ngee. Alôm za hemen pine er, aluer m wase'u yô, u na'm nyi?"

Iwyatoho kaa er, "Uwu! Me jiidi we kwaghyan u dedoo."

Tsô Alôm rumun u wasen Iwyatoho.

Alôm hii u tughul iwyan la kpa i lu zan ma pe ga, kpa a de za ga. A za hemen u tughul i heregh.

Ken masejime yô, iwyen la va menger kera. Kwagh doo Alôm kende ahan.

Alôm pine er, "Iyua yam ye?" Iwyatoho kaa er, "Iyua ngi ga, ka u me gema me ya'u."

Alôm kaa er, "Kpa ka mo m va wase'u ye, shi u tôndo zwa a mo. Iwyatoho kaa a Alôm er, a cir zwa; keke je Iwyatoho ye Alôm. Alôm kaa a Iwyatoho er, "Wa ishima, se ker mbavesen kpa ve ungwa kwagh ne."

Tsô Iwyatoho man Alôm ve za hen organden ugenegh.

Alôm kaa a organden la er, "We a rumun yô, ma u ongo kwagh ne. Iwyen kighir Iwyatoho sha ave a fatyô u menger ga, m ve heregh yô, a tôndo zwa a mo u nan mo iyua. M wasen wen yô, hingir kwagh ugenegh."

Organden la kaa er, "Kwagh la ka kwagh u shami ga, Iwyatoho u ngu a ishughun iyol ga cii."

Tsô iwyatoho pon anyi tese organden la, a kaa er, "Aluer u yange'm u yan Alôm, me gema me ya'u."

Tsô organden la kpa yem gbidyen ikyarkyase iyol.

Organden la kaa a Iwyatoho er, "Gba den mo tsô, u er ka shami, kpa cii u m za hemen yô, a doo u me nenge a iwyen la shi me fa kwagh u ashen a ze hemen yô."

Iwyatoho rumun er, "Ka kwagh u un a lu voogh je la, kar se za m za tese'u."

Tsô ve cii ve za pe iyange iwyen la lu la. Organden la pine Iwyatoho er, "Ka nyi ashen u lu eren?"

Iwyatoho kaa er, "Ashen m lu zendan Ihyev man i va nyôr shin zwa heen, m gbe timen yô, iwyen la za osogh va tema'm sha ave."

Organden la shi pine er, "Ka hanma iwyen, shi ashen u lu hana?"

Organden la shi gema kenger Alôm, kaa a na er, "We Alôm u ngu cuku shi u taver iyol kuma ga, m na jighjigh mer u fatyô u menger iwyen la ga."

Alôm kaa er, "Me fatyô." Er nahan yô, organden la kaa er, "Yô, tese'm ase."

Tsô Alôm tughul iwyen la zan zan i za tema Iwyatoho sha ave er iyange un va kohol a mi la.

Organden la pine Alôm er, "Ka pe ashen u va nenge a Iwyatoho ne ga?" Alôm kpegher sha ityo.

Organden la kaa er, "Nahan doo, hegen yô, ijir bee. Alôm yevese yem ase kwagh wou. Mo kpa me hide me yem sha ya wam."

Alôm yevese yem kera. Organden la kpa yem.

Ve wundu Iwyatoho a tu vihin pe iyange iwyen kighir wen sha ave la.