Terna ŵaliji mundu jwangali pakutama. Ŵasosaga yisogosi mu ukweti kuti alyeje.

Ndaŵi sine ŵagonaga mu ukweti m'momo mwakuti majani galolaga mwanjawo kutyocela m'yitela ni m'mawukutu.

Ŵajendagajendaga mu ukwetimo ni ŵaŵele ali mkuyiwona yitela yejinji kwa yejinji.

"Yitela yeleyi yili akuno yigambakonasika," mwanjawo ŵaganisisye.

Ali apesile ni kwendajenda, ŵatemi pasi, ŵajegamile cimo mwa yitelayo ni ŵagonile lugono.

Citelaco capaga m'bulili ku lyuŵa ni yijuni yagulukaga mwinani mwawo yili mkwimba nyimbo syambone.

Ŵakwete nganisyo.

"Naga ngwisye yitela yine, mpaka mbate mbiya ni kukola nyumba syambone."

Ŵapite m'musi ni kwasima sowo. Ŵatandite kugwisya yitela.

Lijani lyaŵendile mwanjawo kuti, "Conde mkagwisya yitela. Yili kumangwetu ni kumangwakwe yijuni. Yisogosi yawo yili yakulya yetu."

"Ngusosekwa mbiya kuti ngole mangwangu," Terna ŵatite.

"Konanga mangwawo ga yinyama ni yijuni kuti mkole genu kuli kulinonyela," Lijanilyo lyatite. Terna ŵatesile canasa. Ŵaponyisye pasi sowojo ni ŵalikumbatile lijanilyo.

Ajawowo, lijani, ŵapele nganisyo syakukamulisya masengo matope kupanganya njerwa ni kupanganya cisakasa ni manyasi ni yitela yejumu.

Mu litala lyelelyo, ŵanaŵaŵiliwo mpaka akole kumangwawo.

Terna ŵakundile. Mwanjawo ŵalijendelaga lijanilyo kaŵilikaŵili. Lijani lyakundisye mwanjawo kukaŵa yisogosi yapawinji ni kutema yitela yejumu mwakusosela.

Kutandila pelepo, ŵaŵiliwo ali pa ujakwe wakunonyelana.