Ngise la tsô, wanyekwase ugenegh lu, iti na lu Kalabushe.
Kalabushe iyange lamen kpishi.

Ngô na iyange venda ilyam i bebebe la a na, kpa Kalabushe tsa ungwa ga.

Anngbyan u ngô u Kalabushi u kwase lu tema twev yande la.

Iyange igenegh sev hungwa av yô, kwase shon gba angev or lu u nengen sha a na ga.

Ngô u Kalabushe kpa lu gbilin ga.

Iyange va been yô, ngô u Kalabushe na un kwaghyan er a za na kwase u lu uange la.

Kalabushe gbe yemen sha gbenda yô, zua a Sinson.

Sinson iyange lu dwem, kpa gema iyol na hingir orumace.

Sinson pine Kalabushe er, "Er nena u lu vaanaa?"

Kalabushe na ikyar er, "M tôô inyam, ajiakyegh, man zaratumbaa." Ngô u Kalabushe lu ta un icin er a de er or kwagh u a ne ver un lu vaan ga.

Kalabushe shi za hemen kaa er, "M ngu zan a kwaghyan me za na anngbyan u ngô'm u kwase u i doo un iyol ga yô."

Sinson ndiar zwa er lu henen sha inyam i iyange Kalabushe tôô la yô.

Sinson kar ayem ndura ndura yem ken hemen u Kalabushe, yem za nyôr hen ya u kwase uange la.

Sinson yem za mena kwase uange la, kar yav inya cir bologo iyol.

Kalabushe za nyer yô, lu hen ya la kweeng.

A kar a nyôr ken iyou, a gba yilan anngban u ngô na sha ikyenge pinen er, "U ngu hana?"

Kalabushe ungwa anngô na ikyenge ga. Tsô a kar a nyôr shin iyou i shin atô, pe ka yav la.

Nyer yô, kpiligh wen iyol er nenge or nan yav nan cir zege bologo iyol yô.

Kalabushe pine er, "Anngyô, er nena ato ou a kehe nyian kpishi nahana?"

Sinson na ikyar ken bologo la er, "Ka sha u me ungwa kera tsembelee yô."

Kalabushe shi pine er, "Anngyô, er nena ashe ou a kehe nyian nahana?"

Sinson na ikyar er, "Ka sha u me nenge kera tsembelee yô."

Kalabushe mase pinen er, "Annyô, er nena zwa wou u kehe nyian nahana?"

Sinson na ikyar er, "Ka sha u me ya'u yô!" Maa a tsuwe sha gambe kôr Kalabushe mena.

Kalabushe maa gba lamen, er lu ken gbor u Sinson nahan kpaa.

Lu di pinen mbampin a u memen shio.

Ken masejime yô, Sinson na ikyar sha mbampin mba Kalabushe vôr, maa a yem a za sua un kende ken inya.

Hingir u ior mba ken tar la vea za war Kalabushe man anngbyan u ngô na.

Hii sha iyange la je, Kalabushe kera lamen bebebe ga, hemban cii je yô, a ior mba a fe ve ga yô.