Iyange sev hungwa av tsô, Ishôho man Kpatema ve zua ishiôr sha wan u Kurugh.

Wan u Kurugh la iyange soo Ishôhô, kpa ter na hemba soon Kpatema.

Iyange Kurugh fe er wan na hemba soon Ishôhô yô, a za va a mhen ugenegh.

A kaa a wan na er, "Igyumior ne i a gba ayem, nahan u a hembe gesa la, ka wen un a yem a kwase ye."

Kurugh za pase Ishôhô man Kpatema mhen u un ve a mi la.

Ishôhô kaa heregh er, ma i lu gesa u gban iyol shin mnger ma i hembe doon, kpa Kurugh venda.

Kpatema za pase loho la hen ahuraior na, ve ger diing a iember. Er Asôhô fa ayem ga.

Sha nahan yô, Kpatema kera za iyol na iyol u za karen ayem kpaa ga.

Ishôhô di kpa yem za pase loho la hen ahuraior a i.

A kaa a ve er, "Kurugh venda u nan mo wan na, a za hemen a kaa er saa mo me gba ayem vea Kpatema, nahan or u nan hembe la nan a yem a kwase."

Huror u Ishôhô ugenegh pine fese nahan er, "Er nan u kaa a Kurugh wer gesa la a lu u iyol gban ga? Sha ciu Kpatema soon mngerem ga."

Ishiôr la kaa a ve er, wen due a mhen la kpa Kurugh venda.

Asôhô maa vôr je.

Huror u Ishôhô ugenegh ka er, "Gbenda ngu u se bee a zayol la yô. Aluer se mba ken ijoozwa yô, se hide a kwase la.

Kpatema hemba kehen, a hemba taver iyol, shi a hemba'u ayem. Kpa a ijoozwa yô, se hemba Kpatema ayem la.

Huror ugenegh di kaa er, "Asôhô nga kwavyoloh kwagh môm, aluer se kpishi se nyôr ayem la yô, a taver Kpatema kpishi."

Asôhô agenegh aa yer sha gbenda aa lu duen Kpatema ken hemen shie u se er ikyenge yô. Ishôhô i i ze ishiôr la i a yer shin kungur u Kurgugh u masen kuren ayem la.

Lu Ihyev lu jôôji u gesa la ye. Shie kom yô, a tôngo wisul u hiin ayem. Fese nahan Kpatema tsembe ayem, ze deôô yô, Ishôhô er ikyenge "Croak, croak, croak" sha u Ishôhô i ken hemen la i a kav yô.

Kpatema lu yeseve a ishima na cii, kpa un a za goom ma pe yô, a nenge a Ishôhô ken hemen.

Kwagh la nzughul Kpatema kpishi kpa lu a mkav ga. Shie u un a za zurum a ya u Kurugh la yô, vôr un iyol lu masen nôngon a nôngo zende.

Gem ashe ken hemen yô, nenge a Ishôhô lu masen tsuwen yemen u masen nyôron ken ya u Kurugh. Ishôhô ti lu masen geren, "Croak, croak, croak!"

Ihyev mase yôôn er, "Ka Ishôhô i hembe gesa u ayem la ye"

Kpatema gba vaan kaan er, "Ishôhô ne ngi imiôm tseegh ga, a zua zwa a er se atseregh".

Kpa jôôji ungwa heregh ga, Ihyev za hemen yôô Ishôhô or u hemban gesa.

Hii sha iyange la je, zan zan nyian, Kpatema hingir orhyom u Mbahyev cii.

Kurugh man Ishôhô hingir ahuraior a dedoo.

Ishôhô vôso kwase na, ve hirngir tsombor, ve yem ve za lu saan saan.