Madina lu wan u kwase u vesen hen tsombol u Karembe.

Tsombor na tema twev ken kpentar u Bandiagara.

Iyange igenegh yô, Madina za u wuhen hunda shie u iyange bee yô.

Maa nenge a wanyekwase man wanyenomso sha hunda.

Kpiligh Madina iyol u nengen a mbayev uhar mba un fe ve ga, sha hunda ve.

A ta ikyenge a yila ter na, "Baba! Baba!! Mbayev uhar tile se sha hunda."

Ter na usa za sha hunda.

Nengen a mbayev mbala yô, a pine ve er, "Ka ne unô? Ne due hana?"

Wan u nomso kaa er, "Iti yam er Assama, ii anngbyan wam u kwase u kiriki ne er, Yakôrômo."

Assama man Yakôrômo lu sha inja er ve vaa, ijen kôr ve, shi mba cian kwagh yô.

Assama za hemen kaa er, "Se due ken ipyaven u Songho, ken kpentar u Doucombo."

Kpirigh or la iyol, je fatyô lam ga.

Madina kaa er, "Baba, de ve nyôr. Mba er ijen kôr ve yô, shi ve vôr kpaa yô. Ma se wase ve.

Kwa ne yô, Yakôrômo kpa lam.

A kaa er, "I va ta num sha ya wase, i wua mbamaren asev. Se fatyô se tôô kwagh môm ga."

U kwase la za hemen u lamen ken ikyenge i cuku.

"Se mba zenden kuma ayange imiôngo hegen. Se fa pe se za ga, shin kwagh u se er ga."

Maa or la za ave ahar kuve ve.

A kaa a ve er, "Nyôr nen ken iyou, ka ya wene je ne. Se mase lamen shie u ne mem yô"

Mbayev mbala kohol a tsombor la shie u yan kwagh aikie, lu kwaghyan u acivin u hiihii u ve ya ken ayange imiôngo je la.

Mba been yô, Madina za tese ve ijiir i yaven.

Hii hen iyange la je, Assama man Yakôrômo hingir mbayev mba hen tsombor u KAREMBE.

Ve gema numben shi eren hanmakwagh vea mbayev mba or la.