Wanyekwase u doonashe ugenegh lu.

Iyange igenegh sev hungwa av tsô ijen kôr un. A hen igbinda i zuan a kwaghyan cii kpa a zua a mi ga.

Er tema heregh la, or ugenegh va ande sha a na. Or la pine un kwagh u a er maa a tem zunguluu yô.

A na ikyar er, "Ka ijen."

Mhôônom kôr or la a na. Tsô or la kaa a na er, iniongo ngi zan hemen shin gar la, mogh za ii kwaghyan shin mi.

Gema lu wanyekwase u lu a vande iin ga yô.

Kpa wanyekwase la mogh gba yemen ken gar pe iyange iniongo lu zan hemen la.

Za zurum yô, a hungur gbenda u or la iyange tese un u iin la. Tsô a gba a wan imio kaan er:

M va ka u va iin kwaghyan. M ngu zenden kule kule!

Ikpilaior kegh ato ungwa imio la ken ica zanzan wanyekwase la kar nyôron ken gar la.

Kpiligh ior mbala iyol a inja imio i wanyekwase la lu wan la. Ve za ikyua ve pine un er, "U mogh hana? Ka nyi u soo? Ka nyi imio u we laa?"

Wanyekwase tôô hanmakwagh pase ve. Mba ongo yô, ve na un akaa a yan kpishi.

Ye been yô, ve kaa a na er, iv doo ga nahan mayange je a de iin ga.