Iyange sev hungwa av tsô, Alôm due kwaghyan u keren. Za zua a Nor, Nor u a ikpyayou.

Alôm zamber a Nor er, "Ma u tee'm sha ijime iyou, gadia m vôr kpishi."

Nor rumun u tôôn Alôm. Tsô Alôm unde Nor sha ijime kôr ave gbang gbang.

Ngôôr ga je maa Alôm gba mi yan iyou i iyange Nor tôô la.

Maa iyou la gba ndôôr haan Nor iyol.

Nor pin kwagh u a lu haan la yô, Alôm kaa a na er un gba ivyav i lu nôndon ye.

Mba za ngbôghôm shin uagh yô, ve zua a zege Yar lu man mngerem shin mi.

Tsô Alôm gba pinen or u nan hembe taver iyol ken atô u inyam i ihyar la yô.

Maa ve hii u nyiman kwagh heregh.

Nor kaa er un hemba taver iyol, Yar di kpa kaa er un ongo a ungwa kwagh u Nor a eren la

Alôm kaa er un ngu a mhen u fan or u nan hembe taver iyol yô.

Tsô a kaa a ve er ve keghen un heela.

Alôm za hide a kor u kôkônan.

A zer Nor kor shin iwyenge kperegh shin nguha kar yem a mi vegher la.

Alôm shi za hen Yar za zer un zwa korogh ugenegh la shin iwyenge kar yem a mi vegher ugenegh la.

Alôm yevese za yer.

Maa a ngor er ve wa iyol! A ôr ingyeegh er: môm, har, tar! Ulugh nen a se!

Yar man Nor cii ve gba a mi ulugh.

Hanmô ve lu ulugh sha agee a nan cii.

Kpa or u hemban lu lun ga.

Pe Alôm iyange za yer la, za tema lu yan iyou i iyange Nor ver la.

Alôm ye iyou la been yô, a za tôndo kor la ikyua pe Yar lu la.

Maa Nor nôngo gbev za ta sha kon u yem u za gbidye sha ikpyayou la i saa ashe.

Kera kpa Alôm iyange ya kwagh kera shi keregh ga.

Alôm yem za kohol Yar gba wuese un er a taver iyol i hembe Nor yô.

Kwagh hemba Nor ken hanma gbenda cii.