Iyange sev hungwa av tsô, ahuraior agenegh ahar lu, lu Dwem man Alôm.

Dwem lu or u kahan tom kpishi. A nder pepe pepe, sha hanma iyange a yar ken ityev.

Alôm a nder shie u mtanyange a lu duen la.

A aver shi a naregh twaang! Maa a gba keren kwaghyan je.

Ashie kpishi sev mbu a av yô, Alôm a za tôô kwaghyan ken wuna u Dwem aa mfe na shio. Maa a mogh a yem ken tsa a gba za eren ayom a tom.

A kegher usu a ngbagh akaa a ya. Lu kwagh u eren tseegh je la.

A va kuman shie u sunda yô, Alôm a yem a za ii huror na ikyuleke i vian.

A yem a za koso ken wuna na.

Dwem a shi vaan iyol sha iv mbu mbu lu zan wen iyol la.

Alôm a kaa a na er, "Alaghga tsô a lu mba ve we ndor a vese la ve iin we ikyuleke ye. Ijen gbe ken uyaav vev sha ciu ve wa hwev kpishi."

Dwem hen sha kwagh la shie vese. Tsô a due a mhen u un a er yô.

A zende sha atineakyon kohol tsur. A yem a mi za haa sha igbinda i ken ityev na, sha er ormbaiv la nan a va var sha mi yô.

Tugh mbu il yô, Alôm shi mogh za ken ityev i Dwem u za iin ikyuleke.

Kpa cii u a nyôr yô, yenge tsembelee sha er kwagh a va za un iyol ga yô.

Iyange Alôm nenge a tsur ku Dwem lu haa sha gbenda la ga cii.

Alôm yem za unde sha tsur ku la maa ku var un shin angahar. Tsô Alôm ngor vaa er i va yima un oo!

Dwem ongo mlyam mala yô, a due ayem u za kôron ormbaiv la.

Za nyer heregh yô, kpirigh un iyol a kwagh u iyange nenge a mi la. Lu huror na, Alôm, lu sha tsur ku la ye.

Hen shie la je, Dwem yem kwagh na, Alôm kpa yem kwagh na.

Lu mpav u hur hen atô ve je la.