Iyange sev hungwa av tsô, abumeaior ataan lu, ve tsaan ijiir imiôm. Ve karen hanmakwagh ayolave.

Iyange igenegh tsô, kwaghyan bee ve. Tsô ve tema mkohol, ugenegh la pine er, "Ka hana se zua a kwaghyan hegene?"

Ikyar lu taver u nan sha mpin la sha ciu ve lu a inyaregh ga, shi ve lu a ahuraior agenegh hen kpentar la ga.

Mba gbe henen yô, ugenegh la kaa er, "Se yem nen!" Ugenegh la pine er, "Se yem hana?"

U sha utar la kaa er, "U za iin kwaghyan." U sha unyiin pine er, "A kôr se gaa?" U sha utaan kaa er, "Zayol un a lu ga!"

Tsô ve utaan cii ve mogh ve yem ken kasua u za iin kwagh u ve a za ya yô.

Ve za hii iv ica lu a gba ga tsô i va kôr ve!

I yem a iorov mba utaan mbala cii shin tashan u dasenda.

Mba gbe za tôvon ve yô, ordasenda pine er, "Ka an nan ve a mhen u za iin kwaghyan laa?"

Maa ve gba a mi lamen ivyarvyase ayolave. Mba been yô, ve ôr ordasenda la kwagh u iyange za hemen yô.

Uhiihii la kaa er, "Mo yô ka mhen tseegh ashen ve a mi ye, ka iv ga." U sha uhar la kaa er, "Ashen kpa i taver mo pe ashen ve kaa er se yem la."

U sha utar kaa er, "Se cii ashen se rumun u za keren kwaghyan."

U sha unyiin la kaa er, "Ashen kpa m te ve icin mer a za kôr se."

U sha utaan la kaa er, "Se cii se fa er se lu mbaiv yô, ka nahan ashen m kaa mer, zayol un a lu ga ye."

Ordasenda la ongo kwagh la yô, kav er ve cii ve fe kwagh sha iv mbula yô.

Ordasenda la mase kuren er, "Doo kpishi u karen hanmakwagh a ahuraior a ou, kpa doo u eren mbamhen mbabov a ahuraior ou ga.