Fati lu wanyekwase u yevese ayem er ka ahumbe nahan.

Iyange a lu zwa ahan ahan, shi nôngon u eren kwagh u i kaa er a er la voogh.

Nyian ka iyange i eren anumbe ken makeranta.

Fati gbidye bol shi yevese ayem acin atar.

Zum u due makeranta yô, zende hide ken ya vea ijende na, Hawa.

Hawa kaa a na er, "Fati, u ngu a ayem jimjim!"

Zum u Fati za nyôr hen ya yô, kohol ngô na lu jiidi iue.

A sugh ngô na er, "Mama, u pande vee."

Ngô u Fati rumun, "We kpa u pande vee? U ngu nena?"

Fati kaa er, "Se er anumbe nyian sha makeranta, m yevese ayem tsembelee."

"Tsee'm iyol, m vôr shi ijen kôr'm kpishi."

Ngô na se, a kaa a na er, "Wan wam u doon mo ishima, Fati, i mar'uu a angahar a yevese!"

"Me kunde'u atuul shi kwaghyan u aikie un a kera ngôôr ga cii."

Ngô na haa mkulem ma nyian shin tsuwa gema penda sha atse.

Mkulem mala ma tseen yô, a seer alabusa man galiki, a kunde zan zan kwagh leghem.

Maa a seer mkem man mngerem. Been yô, a seer aci a inyam ateratar, lu aci a bua a i puur yô.

Ngô na kaa er, "Fati, m zamber wase'm u hingir iue la."

Fati rumun er, "Een, Mama."

Fati hingir iur la kwa môm.

Tsô a kaa er, "Iue ne huma doo."

Fati hingir iue sha kwa har.

Kaa er, "Iue ne huma doo kpengkpeng."

Fati hingir iue sha kwa tar.

Kaa er, "Sha mimi yô, iue ne huma doo!"

Fati gema kenger pe ngô na lu la.

Kpa ngô na ver ishigh vegher ne ga. Ngô na lu tsember ahu a iue.

Fati dugh icinyam imiôm shin tsuwa gema wa ken zwa.

A kaa er, "Mmm."

Shi Fati gema kenger pe ngô na lu la.

Ngô gema ishigh keen ga. Ngô na lu tseren mngishim ma haan sha iue.

Fati gema fese shi dugh icinyam i sha uhar shin tsuwa gema wa ken zwa tam mena.

A kaa er, "Mmm. Mmm."

Shi Fati gema yenge vegher u ngô na lu la.

Ngô na ver isigh vegher na ga. Ngô na lu tseren atuul a eren iue a mi.

Fati za wegh dugh icinyam i sha utar shin tsuwa gema ta zwa fese, tam mena.

A kaa er, "Mmm. Mmm. Mmm!"

Ngô na za va hen kpeatseegh aa ahuaiue, mngishim man shi atuul la.

Fati iyange kôr ahwa lu a mi ken we heregh.

Ngô na kaa a na er, Fati, m sugh'u er u wase'm u hingir iue ne yô.

Fati fa kwagh u un a ôr ga.

Ngô na gema ahuaiur, mngishim man shi atuul haa shin iue.

Maa a ngohol ahwa hen Fati a gba hingir iue shon.

Er ngô na kenger shin tsuwa iue yô, nenge er iue la lu toghol ga yô.

Ngô na gba keren aci a inyam ateratar shin tsuwa. "Môm, har, tar." Ngô na nenge a aci a inyam atar tseegh.

Ngô na bugh zwa ga. Fati bugh zwa ga.

Zum u ngô na ta iue yô, Fati zua a icinyam ga.

Fati kaa er, "Mama, ya'm anyi. M kera er kwagh la ga."

Fati kera tsa kimbir imby kwagh la ga.