Fati lu wanyekwase u yevese er ka ahumbe nahan.

Iyange a lu zwa ahan ahan, shi a nôngo tsuung u eren kwagh u i kaa er a er la voogh.

Iyange igenegh sev hungwa av tsô, Fati due vea ngô na man ter na u za taven ikyon.

Fati iyange a soo u wasen ngô na man ter na, akaa iyange lu un kpishi a eren man shi a nengen cii.

Iyange annyonov lu, ibyagu lu, shi kwavaôndo shi lu!

Tsô ngô na kaa a na er, "Fati, mzamber we ungwa kwagh ne! U fatyô u taven ikyon heen kua shi heela."

"Kpa Fati, mzamber we nengen pe u lu zan yô shi ver ishima zumbee."

A rumun er, "Een, mama."

Ica gbe ga tsô ngô na man ter na cii ve wa ityom ave ve gba eren.

Ve zua a ikyon i vesen ve tav.

Ve zua a ikyon i kiriki ve tav.

Fati kpa wa ityogh eren akaa na.

Zua a ikyon i kiriki tav.

Zua a ayegher a ikyon tav.

Fati mogh ityogh sha.

Nenge a annyon u nyian sha toho u taven.

Shi Fati kenger shin inya.

Nenge a ishondokye lu zenden sha gbenda.

Fati nenge a kwa u doonashe. Kwa la engem shi lu iyol gesegese er ka ikyôn yô.

Za hôwe bende sha kwa u doonashe shon.

Fati kaa er, "Kwagh ne ngu ken we er ka kwa ga." Ica gbe ga yô, kwa u doonashe shon tenger!

Fati kaa er, "Kwagh ne ka u doonashe ga. Ka iyô!

Tsô Fati ngor, "Eii!"

A tsembe ayem u za keren ngô na man ter na.

Fati ngor, M nenge a iyô! M nenge a iyô!"

Ter na pine er, "Ngi hana? Ngi hana?

Fati kaa er, "Ngi heela! Ngi heela!

Iyô ti hungwa shin inya, tsô ter na gba zendan iyô la a gbogh.

Iyô ti kar ayem i yevese i yem kera.

Ter na pine er, "Fati, kwagh er'u ga ga?"

"Kar se yem pe ngô'u a lu la, se za ôr un kwagh u iyô la"

Ngô na ongo yô, a kaa er, "Fati, saan mo iyol kpishi er iyô la i nyem'uu ga yô."

"Kpa shie ugenegh yô, mzamber, faan pe u zaan yô, shi veren ishima zumbee."

Maa ve kula ikyav ve yem sha ya.