Or ugenegh lu vea kwase na man ônov mba kasev uhar. Ve lu saan saan, tsô iyange igenegh kwase ya la saa ku.

Or la shi er kwase ugenegh. Kwase na u he la zuan vea ônkasev mba uhar mbala ga.

Or la hingir ken mtsum. Sha ciu iyange soo ônov nav kpishi kpa shi gema soo kwase u he la kpaa.

Ken masejime yô, mase va zendan ônov nav mba kasev mbala kera. Iyange mogh u yemen zende u icaa a ve.

Mba za nyer hen itinekon i zegenan igenegh yô, ve tema inya u memem. A kaa a ve er, "Onov av keghen nen mo heen saa me hide."

Or la za nyer ken toho yô, a tôndo akughul na. A kaa er, "Akughul, m ngu wundun ônov av mba kasev. Zum u ve a yila yô, rumun."

Mbayevkase kegh ter ve shin itinekon, kpa tsa hide ga.

Tsô ve gba mi yila, "Baba! Baba! U ngu hana?" Imio rumun er, "M ngu van! M ngu van!" Lu akughul a or la lu rumun ye.

Ve ker ve za pe iyange imio lu duen la, kpa ve zua a ter ve ga. Ken masejime yô, ve va kav er a lu hiden ga yô.

Tsô mbayevkasev mbala hide yem hen itinekon la gba za eren msen sha ikyenge er, "Aôndo u a gbe kon ne, ungwa se."

Tsô kon la pav keregh avuravur hingir ya u tsan u dedoo.

Tsô shi ve er msen, "Aôndo u atamakyon, koso se." Maa atamakyon osogh sha kwavaôndo haa shin inya er ve ya.

U ve hen kwagh u ter ve yô, mbayevkasev mbala hingir u lun ken ikyô a ishima imiôm.

Ve tsaan hen ya ve u ken ikyô la ve yaan atamakyon a iyange lu haan sha kwavaôndo la. Kpa mba tse deôô yô, inyam gba saren ve u yan.

Mbayevkasev mbala fa er iyange Dwem ugenegh tsaan ikyua a ya ve yô. Dwem la a lu a inyam kpishi a yaan hanma iyange.

Tsô mbayevkasev mbala kure er ve a za ii inyam hen ya u Dwem. Maa wankwase u vesen la mogh tswen za hen ya u Dwem.

Dwem iyange tema hen kpe usu kpa wankwase la nenge a na ga, maa Dwem mogh kôr u zer kera.

Dwem kaa er un a jiidi wankwase a ya aikie la. Tsô Dwem kende wankwase shi tsuwa, haa mngerem shin mi, penda sha atse maa mogh due zende.

Shie kpuee yô, wankwase u kiriki la gba henen kwagh u a ze er anngô na ver a hidi ga la.

Tsô a mogh a za hen ya u Dwem za ande sha anngô na shin tsuwa sha atse.

A er msen er, "Aôndo u tsuwa a de rumun er anngbyan na a kpe ga."

Fese je man tsuwa la hembe avuravur anngbyan u kwase due uma gba ken inya.

Maa ve kar ayem ve yem cii man Dwem hide heregh ye. Mba za nyer ken ya ve yô, ve nenge a akaa a dedoo kpishi.

Ve kera za ma pe ga, anyom kar kpishi mbayev kasev mbala hia hingir agumaukase.

Iyange igenegh sev hungwa av, or been iyol ugenegh va nyôr, ile iyol kpishi kua akondo na kpaa, kuma wegh sha hunda er un ngu sônon iwyasen.

Gumkwase u vesen la kenger or la, maa za umbur ter ve ken ishima. Tsô a pine or la iti na man pe a dugh yô.

Or la za hemen ôr ve, mba ongo yô ve kav er i lu ter ve yô. Ve kpa ve ôr un yiase i mlu ve ken toho la.

Or la vaa a iember. "Ne fatyô u den mo a kwagh bo wam je kpa?" a pine ve nahala. Agumaukase la ngohol ter ve tsembelee ve kaa a na er a va lu vea ve.

Ken hemen yô, ve mase den un a kwagh bo na.