Iyange sev hungwa av tsô, mbanyam zua u tsuan tor ve.

Inyam i vesen man i kiriki man akaa purugh cii lu heregh.

Unor, mbanyam mba hemban kehen la, ve lu hen mkombo la ga. Kunda mbanyam cii iyol.

Kpa mbanyam za hemen u eren mkohol a Unor shio.

"Se za hemen se er nen ishangen nyian, aluer unor va heregh ga kpaa. Saa se zua a or nan a lu se tor yô," Ivyungu lu kaa nahan.

Mbanyam za hemen haa ishangen, ve tsua Ishondokye er a lu tor ve.

Ishondokye rumun u lun tor u mbanyam, er lu a mciem iyol nahan kpaa.

"Tom ne ka tom u kiriki ga," Ishondokye lu hen ken ishima na nahan.

Ibyaver i i tsua Ishondokye tor la samber fese yem ica.

I za gba wanyunda u nor ken ato. Ishima i vihi un keregh kpishi.

Wanyunda u Nor iyange mogh yem shin ikyô u za keren kwaghyan.

Er iyange lu a tahav iyol kpishi yô, naan mbanyam mbagenev icivir ga, hemban cii yô ankaam ma kiriki er mba Ishondokye nahan.

Kwagh iyange gba un ga, er za nyôr lu shin bar u Ishondokye nahan kpaa.

Wanyunda u Nor iyange gber kweregh gba vaan nan zamber hen Tor Ishondokye.

Iyange la, Wantor u Nor yem ken ya a ishimavihin kua ijen sha mi.

Unor iyange ve hingir saan saan er Wanyunda ve hide hen ve. Kwagh kera gba ve sha kwagh u Ishondokye lu ya Tor ga.

Ishondokye er tom Tor tsembelee er iyange lu cuku cii nahan kpaa.