Mo Motseng, go ile gwa ba le mošemane a bitšwa
Abula.

O be a sa rate go bala goba go bula puku. E be e le morutwana wa dinala tša go rotha. Maitshwaro a gagwe a be a se a mabotse.

Abula o ile a utswa tshelete ya mmagwe a ya go reka dimonamonane. Le ge mmagwe a be a fihla tshelete, o be a e hwetša a e tšea.

Ka morago ga go ja dimonamonane, Abula o be a
tla ya go bapala le bagwera ba gagwe.

Ka morago ga nako, Abula o ile a ema go ya sekolong. O be a dula ntle a raloka letšatši ka moka, a boa mathapama.

Mmago Abula o ile a lemoga seo gomme a thoma
go belaela.

"Morwa wa rena ga a itshware ga botse. A ke nagane gore o sa ya sekolong. O utswa le tshelete yaka," gwa re yalo mmago Abula.

A re go mosadi wa gagwe, "Ka moso, fihla tshelete ka gare go matlakala a puku. Ga a ke a bula puku le ga tee, tshelete e tla bolokega fao."

Letšatši leo le latelago, Abula o ile a nyaka tshelete ya mmagwe. O nyakile gohle efela a se hwetše selo.

O ile a tšea sepheto sa go ya mabenkeleng a kgauswi go ya go nyaka tshelete.

Tatagwe o ile a bona gore Abula o nyaka go ya
kae.

" Morwa, ke a tseba gore ke ka lebaka la eng o eya mabenkeleng. Bjale boela ka ntlong o nyake tshelete ka gare ga dipuku," a re yalo.

Abula o be a maketše, efela a ya go nyaka ka gare ga dipuku.

O ile a hwetša tshelete yeo mmagwe a bego a e
fihlile.

Ka tšatši leo le latelago, o nyakile ka gare ga dipuku gape. Efela go be go seo se fihlwilego.

O ile  a ya go tatagwe a mmotšiša gore ke ka lebaka la eng go sena tshelete ka gare ga dipuku.

Tatagwe a meyemeela a araba, " Morwa, o nyaka
go hwetša tshelete yeo e lekanego go reka dimonamonane tše dintši?"

Abula a araba, " Ee, Tate."

Tatagwe a re, "Ntheeletše ga botse. Bala dipuku tša gago o be o tsene sekolo. O tla hwetša katlego ka gare ga dipuku. O seke wa ineela."

"Efela tate, go bala go boima. Dipuku di leša budutu!" Abula a araba.

Tatagwe Abula a homola, sebakanyana. O ile a nagana gore a ka thuša morwa wa gagwe bjang.

A re go Abula, "A re bale mmogo. Ke tla go
thuša go hwetša lehumo ka gare ga dipuku."