Musa lee Alubɛru lee Agaisa lee jaŋuginrun oju nɛ tobein.

Be karutɔn ɛjii kuya sanhun nɛ wo toun iyin. Wo yɔgɔrɔ geru murui kɔ.

Musa sɔɔ gi : «Mu injɛiyɛjɛ? Kijɛ yɔgɔrɔ yɔgɔrii! Yɛi jeɲemɔin!»

Agaisa sɔɔ gi : «Haya koi! Muse sɔɔ emɛ nɛ gi manuga mɔin.»

Agaisa liyɛ le be.

Musa lee Alubɛru lee be ɔgiriya bein iya gire keeju le bein.

Be baanran biyi wooi karutɔn jeɲu ibɛbein iya kijɛ to gɔ yɛnu ibɛbein.

Agaisa mai mai sɔa.

Muse ema kijɛ inɛin emɛ wɔ lee kijɛ eme le digɛla
lee tabanai gɛ emɛ tinwunrun obu. Wo nɛ taga mɔin.

Muse kijɛ so bɛa.

Wo ɔgu ɔgu timɛ numɔsibe le kijɛ gɔ gono. Kɔ tiyɛ gɔ pariji yɛ to.

Muse jaŋuginrun ku baŋa nɛ tagu.

Ku baŋa kajubanw birɛginru boonu kɔ kijɛ gɔ baanran jugɔ dɛi.

Kajubu onu nɛ, kajubanw birɛginrunbe gɔ kijɛ pojojɛi gin.

Be kɔ ɔgu ɔgu kijɛ gɔ yamugin.

Muse jaŋu unrunw womɔ be le kinɛ ɛriyi be.

Sɔɔ wo gi : «Unrunw, e hakilɛ kunabein ku kajubu le bein. Ku kajubu gɔ jamu oju woi.»

Muse lee kajubu birɛginrunbe lee jaŋu unrunw gɔbe ɛjii poonin.

Jaŋuginrun gɔ wooi unrunw gɔ peru le kejin.

Aga baya gɔ, jaŋuginrun birɛbirɛnw gɔ mɔɔnu kunin.

Be kajubu ku nɛ sɔɔ joo sɔɔin jaŋuginrun lee anabɛnw lee sibɛ go.