Madina Karembe ginrun gono nɛ diyɛnɛgɔ woi.
Ginrun gono gɔ Bandiagara nɛ dan.
Digɛ nai turu Madina tan pinɛi yaai.
Wo iyai turu lee inɛi turu lee iyɛ.
Madina unrunw yerunw lɛi iya kinɛ mana le be.
Wo, unu ba boona : «Ba! Ba! Unrunw lɛi mɔnrɔngolo nɛ ko wɔin.»
Ba nɛ gɔ ɔgu ɔgu mɔnrɔngolo nɛ yai.
Wo sɔɔ wo ujuru : «E aa bei? E yago goin?»
Ainɛi gɔ sɔɔ gi : «Mu Assamai iya ɔn mu sa Yakɔrɔmɔi.»
Assama lee Yakɔrɔmɔ lee ɔɲa wɔin, liyɛ le wɔin iya amasɔgɔ le wɔin.
Assama sɔɔ gɔ tiyɛ tagaun wɔ : «Emɛ Sɔngo bɛɛnɛin,
Dukombo kominu.»
Ba nɛ gɔ, kinɛ ɛjii banrama, sɔɔ kama sɔɔa bɛɛlu.
Madina sɔɔ gi: «Ba, mui be daga yoomɔun. Be ɔɲain iya giyɛ be yɛ sɛ. Be kai emɛ yɛ sɛin.»
Yakɔrɔmɔ yɛ sɔɔ gi : «Inɛnw ana emɛ dɛbabein. Emɛ baabe lee emɛ nabe lee yɛ nɛ dain. Kijɛ emɛ wooi yɛ manu.»
Wo min yɔru le sɔɔ gɔ sɔɔun gɛrɛ.
«Emɛ bai joo le yoi yaain. Emɛ yalu yaaɲu inɛin iya sɔɔ kanraɲu jugɔnɛin.»
Kɔ onu nɛ ba nɛ gɔ numɔ wiiraa unrunw gɔ keju.
Ba nɛ gɔ sɔɔ gi : «Wɛ yooin, unrunw mɔ, ɔn ginrun ewɔi. Yaga pilemu togu togodein, kanɛ suwɔin.»
Unrunw gɔ ginrun gono bɛnw le mɔnrinyan digɛ pana tɛgin, pana ɔgu pɔɔrɔ be kai bai joo goo nɛ.
Kɔ onu nɛ Madina Assama lee Yakɔrɔrmɔ lee dɛnhu bemɔ nɛ dimɛnra yaai.
Bai kɔ garu ginu,Assama lee Yakɔrɔmɔ lee ginrun unrunw ginu bei yɛnɛɲu.
Be unrunw wajube le mɔnrinyan ye yɔgɔrɔ yɔgɔrɔɲu iya birɛ birɛɲu.
Translation - Moctar Douyon
Illustration - Arthur Makali
Language - Dɔgɔsɔ
Level - First paragraphs
Creative Commons: Attribution 4.0
Source www.africanstorybook.org
Original source
