Musa, Alibɛri ni Agayisa tun bɛ kalanyɔrɔ sira kan.

U ye karitɔn dɔ labɛnnen ye tuu la. O tun bɔlen bɛ tulonkɛminɛn fɛ.

Musa ko: «Ne ɲɛ bɛ mun na yan? Tulonkɛminɛn dɔ! An ka taa a ta!»

Agayisa y'u jaabi : «Janto !a'yaw miiri karamɔgɔ ka fɔlen n' an ye.»

Agayisa tun bɛ siran.

Musa ni Alibɛri tun kɔrɔtɔlen ni u kunpalen tun don.

U tun b'a fɛ cogo bɛɛ la ka karitɔn in kɔnɔko dɔn.

Agayisa y'a gɛlɛya.

«Karamɔgɔ y'an ladi ko an kan yɛrɛ tanga fɛnsidɔnbaliw ani fɛn minnu t'an ta ye ma.»

A ye fɛn in lakoori o yɔrɔ bɛɛ la ni jiribolo jalanw ye.

O b'a jira k'a bɛ se ka kɛ faratimafɛn ye.

Karamɔgɔ ye kalanyɔrɔkuntigi ladonniya.

O ye wele bila lakana cakɛda mɔgɔw ma walasa ka fɛn in si dɔn.

Jateminɛw kɛlen kɔ lakana cakɛda mɔgɔw y'a jira ko mugujugu de b'a kɔnɔ.

Yɔrɔninkelen, u y'a tiŋɛ.

Karamɔgɔ wasara n'a ka kalandenw ye.

A ko: «Denmisɛnw a' kɛra mɔgɔ hakilisigilenw ye, ani a' y'aw janto a' yɛrɛ la. Jantonyɛrɛla kɔrɔko ka ɲi.»

Denmisɛnw tanuna karamɔgɔ ni lakana cakɛda mɔgɔw fɛ.

U kunbɛnna i ko ŋanaw kalanyɔrɔ bɛɛ fɛ.

O dugujɛ kalanko ɲɛmɔgɔw ye ɲɔgɔnye dɔ kɛ.

U y'u hakilinaw falen lakanako kan kalanyɔrɔ ni sigida la.