Mosa, Alber d-Ɣayša kǎla ǝhǎn zǎbo n-lǎkkol.

Ǝnhayǎn dǎɣ-absǎɣ karton ittalǎn. Olǎh a wen d-ǎsaj n-ǎddǎl.

Inna Musa : « Ma hannǎyǎɣ diha ? ǎsaj n-ǎddǎl ! Nǎḍkǝlet. »

Tǎssudmǎr Ɣayša : « Udaɣ ! Ǝktǝwǎt-dd a wa hanǎɣ inna ǎlfǎqqi. »

Ɣayša ih'et ǝmmǝttǝsu.

Musa d-Alber ǎrorǎdǎn ih'en awnaf.

Ǎrorǎdǎn hullan aḍǎkal n-karton d-ad-ǝnhǝyǎn a wa-t ihǎn.

Tǝja Ɣayša ǎ¬¬ṣṣahǎt.

« Inn'-anǎɣ ǎlfǎqqi ad-nudaɣ dǎɣ-hǎrǎtǎn wi wǎr nǝzzey, wǎr-tǎn nǝla daɣ. Nǝgla ad-has nǎj isǎlan.

Ǎlfǎqqi ijrǎw isǎlan n-a wen.

Ǎssǎɣlǎy-dd hǎrǎt-en ilǝktan ǎqqornen. Ǎssilmǎd a wen-a-s ǎddobǎt tumast n-a ikman.

Ija ǎlfǎqqi isǎlan i-emǎnnǎɣǎf.

Eɣra-dd emǎnnǎɣǎf sǎrwistǎn wi ojjǎnen ǎlɣǝllas i-ad-sǝtbǝtǎn tulat n-hǎrǎt-wen.

Ḍarǎt ejǎzz ǎsdǎtten sǎrwistǎn wi ojjǎnen ǎlɣǝllas a-s hǎrǎt a wa itibǝqqun.

Ǝsfǎḍǎn-t šik.

Ǎlfǎqqi ǎsidǎwen-t ǎṭṭalibǎn-net.

Inna : « Aratǎn tǎmoosǎm inušǎmǎn tiduɣnen. Tudaɣt zǎbo n-ǎlxer a tǎmoos.

Ǎlfǎqqi d-sǎrwistǎn wi ojjǎnen ǎlɣǝllas ǝjǎn ǎlxer ǎjjeen i-ǎṭṭalibǎn.

Ǎsbǎrrǎk-tǎn lǎkkol fuk dǎr-tǝssǝba n-ǝbbǝrǝḍ wa ǝjǎn.

Ašǝkka ǝjǎn inǎmmašalǎn n-lǎkkol tidawǎt.

Ǎmmǝjrǎdǎn fǎll-talɣiwen ǎjjotnen n-ǎlɣǝllas n-lǎkkol d-tamǝtte.