Mǎdina a-s amǎqqar n-ǎlɣǝyal wa n-Karǎnbe.

Ǎlɣǝyal izzaɣ dǎɣ-Bǎnjǎgǎra.

Ašǎl iyyǎn, Mǎdina tǝgla tǝhǎr ashǎr.

Tǝnhǎy tunte iyyǎt d-eyy iyyǎn.

Tofa tǎkunt Mǎdina a-s tǝnhǎy aratǎn ǝssin n-inaftaɣǎn.

Tǎɣra abba-net : « abba ! abba ! Aratǎn ǝssin ǝllan dat em n-ehǎn. »

Ošǎl abba s-em n-ehǎn.

Ǎssǝstǎn : « ma tǎmoosǎm ? mi-dd-tǝfǎlǎm ?

Inna alyaḍ : « Nǎkk Asǎma, ǝnta-i, tamǎḍrayt-in Yakoromo. »

Olǎhnǎt Asǎma d-Yakoromo d-a-s ǎmminkǎdnǎt, ǎrmaɣnǎt ǝkman-tǎnǎt iman.

Hakka Asǎma ǎlmǎɣna : « Tadǎbayt ta n-Songo a hanǎɣ tǝlǎt dǎɣ-komin wa n-Dukombo. »

Abba ij'as ǎlhǝm ujǝš wa dǎɣ-fǎll-wǎr issen a inna.

Tǝnna Mǎdina : « Abba, ǎyyen ad-dd-ǎjjǝšǎn. Ǎmminkǎdǎn, inaqqen laẓ. Ǎḍḍerǎrǎn sǎr-nǎɣ. »

Tǝnna Yakoromo ǝnta dǎɣ : « tǎtwǎjǎḍ tadǎbayt-nǎnǎɣ. Ǎmmun imarǎwǎn-nǎnǎɣ. Ijmǎḍ-anǎɣ a ǎjjen. »

Tajj mǎjrǎd dǎrusǎn.

« Nǝja išilan nǎrjaš. Wǎr nǝssen i-nǝkka wǎla a nǝja. »

Ḍarǎt a wen, ǎsbǎrrǎk Abba aratǎn.

« Aratǎn ǝjjǝšǎt, ehǎn-nǎwǎn a wa. Inna « Ad-sǎr-s nǎmmǎjrǎd, sunfǎt. »

Ohǎrǎn aratǎn d-ǎlɣǝyal amǝnsi wa ǎzzarǎn ǎkkusǎn tattǎn a ilan išilan.

Ḍarǎt a wen, tǝlwǎy Mǎdina Asǎma d-Yakoromo s-ihǎnan-nǎsǎn.

A ija ašǎl wen dǎɣ, Asǎma d-Yakoromo ǎmoosnǎt isukal n-ǎlɣǝyal.

Taddǎlnǎt, tajjǎnǎt timašalen fuk ǝntǎnǎteḍ d-aratǎn wi iyyǎḍnen.