Muusa, Albeer e Agaysa ana ngonnoo e laawol yaade lekkol.

Ɓe coynike kaarton taggaaɗo faa wooɗi ley sokeere nde. Eɗum nanndita e (naanaabo) ko fijiirtee.

Muusa wii : « Heɗum woni ko njiyam to koo ? Ko fijiirtee ! Njehen ɓamoyen ɗum. »

Agaysa jaabii wiide : « Kakkilee ! Miccitee ko jannginoowo oo wii en koo. »

Agaysa huliino.

Muusa e Agaysa keppii, ɓe martan kumpaaɓe noon.

Ɓe njiɗiino waɗude fuu ko ɓe mbaawi faa ɓe ɓama kaarton oo, ɓe nji'a ko woni ley makko.

Agaysa semmbini wiide.

« Jannginoowo oo tinndinii en wiide celen e kulle ɗe en anndaa ɗee kaɲum e kulle ɗe en njeyaa ɗee. Njehen kaalonoyen mo. »

Jannginoowo oo humpitaama.

Ɗoon e ɗoon mo ɓami caɓe leɗɗe joorɗe mo fawi ɗe dow huunde nde. Eɗum holla ɗum ana waawi huunde bonndereere.

Jannginoowo oo humpitii derkiteer oo.

On noddi sarwuusiiji kumaniiɗi kabaaru ndeenaagu ɗii faa anndee ko nde huunde woni.

Caggal horugol ngol, sarwuusiiji kumaniiɗi ndeenaagu ɗii tabintinii wiide ɗum yo huunde yiitemeere (bommbuure) noon.

Ɗoon e ɗoon ɓe cayfiti huunde nde.

Jannginoowo oo weltike faa sanne e dow golle sukaaɓe ɓee oo.

Mo wii : « Sukaaɓe, on laatike saahiiɓe, on kakkili. Kakkilal woni yaaya ndeenaagu.

Jannginoowo oo e sarwuusiiji kumaniiɗi ndeenaagu ɗii fuu njettii sukaaɓe ɓee.

Suudu lekkol ndu jaɓɓitiki ɓe hono no arɓe nii.

Subaka mum oo, hooreeɓe lekkol ɓee ngaɗii batu.

Ɓe kaalii haalaaji keewɗi pawiiɗi dow kabaaru ndeenaagu lekkol ngol kaɲum e leɲol maɓɓe ngol.