Madiina woni dikoojo galle Karammbe.
Galle maɓɓe oo ana jooɗi Banɲagara.
Kiikiiɗe gooto, Madiina yehii faa uddoya damal galle ngal.
Mo yi'ii debbo gooto e gorko gooto.
Madiina haaynaama ko mo yii sukaaɓe ɗiɗon janamɓe.
Mo noddi abbiiko : « Abba ! Abba ! Sukaaɓe ɗiɗon annii damal galle. »
Abba oo heɲii faade e damal ngal.
Mo lamndii ɓe: « Onon heɓe noon ? Hoto iwɗon ? »
Gorko oo wii : « Miin, mi Asama e oo yo miɲam debbo Yaakoromo. »
Asama e Yaakoroma ana nanndi e tampuɓe, hulɓe e mettaaɓe.
Asama hinnii faccitinde : « Miɗen njeyaa wuro Sonngo, komin Dukummbo. »
Abba oo haaynaama faa ronki haalde.
Madiina wii : « Abba, accu ɓe naata. Ɓe tampii ɓe njolbii. Eɓe kasindini e men. »
Yaakoromo duu wii : « Ngeenndi amen ndi yenaama. Yimɓe amen keddike heen.
Walaa fuu ko min keddorii. »
O heddii omo haala seese-seese.
« Min ngaɗii balɗe miɗen njaha. Min anndaa to min njaata wanaa haala ko min ngatta. »
Caggal mum, Abbiraaɗo oo silmini sukaaɓe ɓee faa wooɗi.
O wii : « Naatee sukaaɓe, suudu yo suudu moon. En kaaltidan caggal jooni, cultinee. »
Sukaaɓe ɓee kiirtodike e yimɓe galle oo, ɲaamdu aranndeeru wulndu ndu ɓe ɲaami ko waarata e balɗe hannden.
Caggal majjum woni ko Madiina naɓi Asama e Yaakoroma ley waali.
Gilla ɲennde ndeen, Asama e Yaakoroma laatike hono ɓiɓɓe galle.
Eɓe pijida e sukaaɓe woɓɓe ɓee, eɓe ngaɗida golleeji ley suudu.
Translation - Moussa Hamadoun Sangho
Illustration - Arthur Makali
Language - Fulfulde (Mali)
Level - First paragraphs
Creative Commons: Attribution 4.0
Source www.africanstorybook.org
Original source
