Ko saaliino weelo waɗi e leydi Fommbina.

Haa warti sey to himɓe ngasi gasɗe nyuuƴi ngam ɗaɓɓutugo gabbe.

E wooduno gorko feere mo waawataa heɓango wuro maako nyamdu.

Nyalaande feere mo wi'i debbo maako, "Haa mi yaha mi ɗaɓɓitana'en nyamdu." Nden mo dilli.

Nde mo dilli, debbo maako yi'i fotaayi reenugomo.

Sey mo defani ɓikkon maako baygooje ɗe daada maako hokkunomo.

Gorko on wartilawaayi, nden boo walaa ko o wartiraniɓe. Debbo maako jaɓɓiimo ƴamimo, "E woodi ko keɓanɗa ɓiɓɓe na?" Mo wi'i, "Walaa."

Sey debbo hokkimo baygooje, mo nyaami ammaa mo haaraayi.

Gorko on ƴami, "Toye keɓuɗaa baygooje?"

Debbo jaabi, "Daada am e sigoo baygooje dow suudu maako."

Sey gorko on ummi caka jemma.

Mo waɗi dabare mo yaha, mo wujja baygooje esiraawo maako luttuɗe.

Mo hoosoyi ɓargal. Mo ɓaaringal, mo ƴeeŋi dow suudu nayeejo.

Sey gorko on fuɗɗi yaabugo dow suudu heedi to baygooje keddi.

Sey suudu sumpiti, mo yani! Pararam!

Mo ummiilaw.

Mo wi'i, "Assalaamu alaykum, debbo nayeejo, min ngari diga asama! Mi gooto nder tato waranooɓema. Min woni artuɗo, luttuɓe e ngara."

Kulol nanngi nayeejo on, o hultori naa' seɗɗa.

Mo doggani dammugal ngam mo hisa.

Ammaa gorko on artimo wurtaago.

Ɓe fuu ɗiɗo e ɓe ngulla, "Mballeeyam!" Gorko on doggiri hirna, nayeejo boo doggiri fuuna.