

Afeefah yi egi bókùn énágbakùn.
Kanpacizhi ga de ù la cikan bo.
Nyakungigbecizhi ga wu nna wun ò.
Kanpacizhi ci la ù lo eba tsutswaci ò.
A nyagban Afeefah nyi.
Be, wun fe sundan gan nyakungigbecizhi à zhin be ba ù guru kpékpé ma.
Karanyi, Afeefah à de èyà zhi.
Wun ci è yagwa be edzodzo gun èdò ò.
Wun ma è fin nwanwa nakansán dana ù bo ò.
Efo be danbo Afeefah ci gbin èyà ù gan, "Kila a ce wa guru yizhi ò de."
Aaminah gan fi èyè ù nyi, "E duwan ke guruzhi yi be cigbe yeka na!"
"Ama guru yizhi de cigbe yeka à !" Afeefah gyitin.
"A'a, wun de à . Guruzhi yi ke ènyìzhi be vundunuzhi na," Aaminah gan.
Afeefah be Aaminah ga yi na ke edzo à zhi na ò.
Énágbà kun bókùnzhi è la layé.
E la zo yizhe ò.
Yi kan éyéla nya énágbà kun be nyakungi ndocizhi na è la layé na wo.
Ki wo jin wo ò?
Wa yekpe ù be!

